更多
2015-12-26
636 瀏覽
由2013年開始經朋友介紹每年回港都會嚟,香菌豚肉烏冬曾是我畢生至愛(好似係),裡面d一層層半肥瘦既豚肉,加埋濃郁卻又不重口嘅秘製湯底係成碗嘅精華,配搭埋又脆又甜既粟米簡直係畫龍點睛。可惜,好景不常,今年返嚟諗住再一嚐個種肥膏既香味迴盪於鼻腔之間,點知佢竟然轉左隻平凡到不能再平凡嘅普通拉麵嘅「叉燒」,難食之餘同呢個香菌湯底係火星撞地球咁唔夾,心諗早知就一早嗌香菌豚肉烏冬走豚肉算!不過低處未算低, 諗住聖誕節開心想試下佢個$58北海道吉列蠔,粉太厚,蠔太細都算,舊蠔真係完全無味!我再重申一次:舊蠔真係完全無味,合埋眼放入口嘅話真係完全唔知食緊咩!好啦去到呢一刻已經完全失望心碎,諗住以後唔再黎,打算埋單走人,2個菌豚烏冬$82 * 2 +吉列蠔$58 * 1 再計埋10%,總數應該係$244.2, 佢竟然張單total化小數做整數收做$245.0。即係咁,如果你餐牌或者張單一早講到明,寫住會將所有小數向上進位做整數咁我無野好講啦,但我真係十分不屑呢d偷雞收多人錢既行為,此外會否有干犯商品說明條例之嫌呢?正當我地批評緊d的士司機成日濫收車資嘅同時,會否係我地平日出街食飯既餐廳都做緊同樣嘅野呢
可惜,好景不常,今年返嚟諗住再一嚐個種肥膏既香味迴盪於鼻腔之間,點知佢竟然轉左隻平凡到不能再平凡嘅普通拉麵嘅「叉燒」,難食之餘同呢個香菌湯底係火星撞地球咁唔夾,心諗早知就一早嗌香菌豚肉烏冬走豚肉算!
不過低處未算低, 諗住聖誕節開心想試下佢個$58北海道吉列蠔,粉太厚,蠔太細都算,舊蠔真係完全無味!我再重申一次:舊蠔真係完全無味,合埋眼放入口嘅話真係完全唔知食緊咩!
好啦去到呢一刻已經完全失望心碎,諗住以後唔再黎,打算埋單走人,2個菌豚烏冬$82 * 2 +吉列蠔$58 * 1 再計埋10%,總數應該係$244.2, 佢竟然張單total化小數做整數收做$245.0。
即係咁,如果你餐牌或者張單一早講到明,寫住會將所有小數向上進位做整數咁我無野好講啦,但我真係十分不屑呢d偷雞收多人錢既行為,此外會否有干犯商品說明條例之嫌呢?
正當我地批評緊d的士司機成日濫收車資嘅同時,會否係我地平日出街食飯既餐廳都做緊同樣嘅野呢?
雖然最終俾錢個時我同侍應反映番,佢都願意收番我地原本未進位既價錢,但我都建議貴公司檢討一下以上我所提及之不足嘅地方。
作為呢間野差不多3年嘅長期食客,我必須強調我對今次嘅經驗十分之失望。
張貼