更多
2011-08-05
7 瀏覽
係尖沙咀唔知想食咩~ 忽然唸起呢間常路過既店子,就黎試下。味道唔夠突出,但價錢唔貴。燒茄子 ($18):好多油,味道 ok 但好易食濟,而且份量多食唔晒。明太子醬燒魚柳 ($22):魚柳十分嫩滑,估唔到甘正。龍蝦沙律鱈魚蛋燒 ($28):鱈魚蛋燒得乾身,麻麻地。鮮茄豬頸肉烏冬 ($38):烏冬有咬口,豬頸肉味似叉燒,但最失望係湯唔熱。露筍沙律 ($22):菜爽甜,但露筍好細條,個醬賣相差又味道怪怪的。板長清酒 ($45):抵飲清酒。店內好熱,一路食一路出汗,食完即走。
張貼