更多
2015-12-24
776 瀏覽
聖誕前好多時走左去shopping,都會出街食,所以唔可以餐餐食咁貴,今次就揀左海港城入面既翡翠,因為檯多,所以等位唔洗等太耐,我地7:30左右到,只等左20分鐘就有位。等位期間想快就劃定食咩先,入座馬上落單,慳返唔少時間(笑)。2個女仔食唔得多野,叫左小籠包,皮薄肉汁多 但唔夠熱就差d啦,我中意多醋咁食,令到d肉冇咁膩。小食有我勁中意既脆鱔,炸得好脆夠乾身,餐前小食脆卜卜,大愛啊!不過d汁偏酸,甜味較少,如果甜味重返d就更好了。本身想叫莧菜,不過賣哂,唯有叫菠菜啦,豆醬炒菠菜好味,炒得唔油夠熱辣辣,味道剛好又唔太咸。最後有個飽肚d既上海炒年糕,好中意年糕既質感,煙煙unun咁真係有咬口,醬汁唔會太濃太咸,混合左少少黃芽白 & 肉絲,唔會太膩。呢晚叫左4樣野,每人180蚊,算係幾抵食吖。
呢晚叫左4樣野,每人180蚊,算係幾抵食吖。
張貼