更多
2016-12-15
408 瀏覽
老牌潮州酒家, 揀美麗華商場開店, 不用原來"酒家", 轉為"小館", 由大大碟的傳統潮州菜, 改為精緻巧手小菜. 近年傳統老派店如利苑, 開新款店, 名為利小館, 小南國又開, 名為南小館, 上海婆婆的336, 大家都相繼推出年輕版, 老一群人的消費當然夠實力, 但隨舊客慢慢老去..., 舊形象又打動不了年青人的心, 所以, 不約而同, 順便洗脫老舊口味, 成立年輕版副線, 把分量減少, 定價可平兩三成, 啱晒年輕人.坐低..., 先來一杯工夫茶, 工夫茶呢味嘢, 除了潮州外, 閩南地方也十分普遍, 查一查, 原來潮州用"工夫茶", 而閩南則用"功夫茶", 用字不同, 相信背後意思應該一樣. 年紀大... 驚飲完夜晚瞓唔著, 但太吸引, 都係飲咗一杯..., 得半隻雞蛋殼咁大的白瓷杯, 味道清香又濃厚.潮州人和客家人都常做醃菜, 醃菜可以作為小食, 也可作為其他餸菜的烹調原料, 客家人多用長芥菜, 而潮州人多用包心大芥菜, 菜梗比較粗和彎, 味道和口感都較佳, 價錢也比客家的酸菜貴, 潮州食肆通常送一碟作為飯前小食, 上面再洒些南薑茸, 風味獨特, 用來送潮州粥一流. 滷水鵝肉片 S
老牌潮州酒家, 揀美麗華商場開店, 不用原來"酒家", 轉為"小館", 由大大碟的傳統潮州菜, 改為精緻巧手小菜. 近年傳統老派店如利苑, 開新款店, 名為利小館, 小南國又開, 名為南小館, 上海婆婆的336, 大家都相繼推出年輕版, 老一群人的消費當然夠實力, 但隨舊客慢慢老去..., 舊形象又打動不了年青人的心, 所以, 不約而同, 順便洗脫老舊口味, 成立年輕版副線, 把分量減少, 定價可平兩三成, 啱晒年輕人.
坐低..., 先來一杯工夫茶, 工夫茶呢味嘢, 除了潮州外, 閩南地方也十分普遍, 查一查, 原來潮州用"工夫茶", 而閩南則用"功夫茶", 用字不同, 相信背後意思應該一樣. 年紀大... 驚飲完夜晚瞓唔著, 但太吸引, 都係飲咗一杯..., 得半隻雞蛋殼咁大的白瓷杯, 味道清香又濃厚.
潮州人和客家人都常做醃菜, 醃菜可以作為小食, 也可作為其他餸菜的烹調原料, 客家人多用長芥菜, 而潮州人多用包心大芥菜, 菜梗比較粗和彎, 味道和口感都較佳, 價錢也比客家的酸菜貴, 潮州食肆通常送一碟作為飯前小食, 上面再洒些南薑茸, 風味獨特, 用來送潮州粥一流.
滷水鵝肉片 Soyed Sliced Goose Meat $98, 餐牌上還有另一款, 名為"滷水鵝肉拼盆", 同樣是 $98, 即是鵝肉拼其他滷水食品, 例如腩肉或墨魚, 但以價格而言, 應該是鵝肉最高價, 也算是最抵食. 潮州食肆的滷水是店中靈魂, 每天補充調味料, 定期加入桂皮、八角、甘草、陳皮、香葉、南薑等藥材, 當浸煮鵝的同時, 也吸收了鵝肉和鵝骨的味, 兩者互相配合, 浸出來的鵝, 特別濃郁味香. 單看賣相, 滷水色澤深啡有油光, 聞到玫瑰露的香, 薄薄一層的鵝皮軟嫩, 鵝肉入口夠軟滑, 當然, 墊底的滷水豆腐同樣出色.
鮑汁扣鳳爪 Braised Chicken Feet in Abalone Sauce $78, 高貴的鮑魚和下價的鳳爪, 絕對是強烈對比, 但各位唔好誤會, 這是鮑汁, 不是鮑魚, 當然..., 要煮得入味, 也花得不少時間, 單看賣相, 啡中帶紅, 顏色鮮亮, 鮑汁扣得夠火喉, 膠狀盡顯, 醬汁濃稠, 可以輕易掛在鳳爪, 入口, 果然膠質重, 炆得濃香入味.
椒鹽九肚魚 Deep-fried Jiu Du Fish with Spiced Salt $88, 市場上, 很難見到新鮮生猛的九肚魚, 因為此魚上水即死, 所以最宜炸香和椒鹽炮製, 炸前, 魚身要撲粉, 炸起後便可以外脆內嫩, 肉質如豆腐般嫩滑, 入口即化.
杏汁白肺湯 Pig Lung Soup with Almond Juice $128, 阿媽教落, 出街食飯叫餸, 專揀麻煩菜色, 是常識吧.... 那些簡單容易...如蕃茄炒蛋或白灼菜芯等小菜, 屋企煮飯, 話都無咁易煮到出嚟, 出街飲湯, 當然都揀最麻煩的豬肺湯吧...., 但這個說法, 原來是神話, 皆因上星期睇報紙專欄, 原來港九新界的街市, 都有沖洗乾淨的豬肺賣, 而且價錢便宜得嚇人, 只是十五蚊一個, 那.... 我以後出街食飯, 還要"豬肺湯"嗎? 那...有甚麼款式的湯更花時間呢?? 哈哈哈...
正當腦中想著... 甚麼款式的湯最花時間和功夫之時, 店員吹水時講: 杏汁白肺湯, 養顏潤肺, 用南北杏磨粉 再隔渣, 還有瘦肉、紅棗和杞子, 要煲六個鐘架! 所以湯味的杏香特別濃郁...., So, 唔計媒氣費..., 重要花六個鐘時間睇火..., 哈哈哈... 奶白色的湯, 入口幼滑, 杏仁份量足, 而且杏仁碎隔得夠仔細, 豬肺乾淨冇異味, 幾十蚊貨, 超值啦!
合時臘味飯 $60/位, 一大煲香噴噴的臘味飯, 最少四位享用, 配料全在飯面, 有臘鴨、臘腸、膶腸、臘肉, 白飯沾滿了臘味的油香, 本地生曬臘味, 有肉鮮味, 彈牙有嚼勁, 甜度和鹹度適中, 還有一陣輕微的酒香.
跟隨臘味飯, 送一碟菜心, 要知道菜心的新鮮度, 打橫看菜梗便一清二楚.
蛋白杏仁茶 $38, 幾十年前細個時, 對此甜品都有些疑惑, 會吃蛋白做的甜品, 也吃杏仁糊或杏仁露, 但就不吃"杏仁茶", "茶"這個奇異怪字, 潮州地方稱這類甜品為"茶", 攪到我十幾年時間沒有叫這類甜品, 後來知道原來"杏仁茶", 其實即是"杏仁糊", 後來又發現, 原來此味"杏仁茶"的杏仁, 不是西點的杏仁(Almond)..., 天呀....! 咩鬼嘢咁Q麻煩架...., 哈哈哈.... 杏仁茶所用的杏仁, 是阿媽常用來煲湯的南、北杏, 還要加入"白米"來磨成漿粉, 原因是增加黏稠口感.
臨走時先發現好嘢, 原來每位客人可以優惠價$10, 叫一杯MAPACHI 餐酒, 這款智利出品的紅白酒, 當然不是甚麼高級貨色, 但閣下亦不要看得太差, 記得HKTV mall 也曾出售過, 賣價也要百五蚊以上, 比起兩間大型超市內的八成貨品, 絕不失禮, 下次嚟一定要試!
張貼
