百樂小館 (已結業) 查看

飲茶食點心是廣東尤其香港人的傳統生活習慣，但這所謂傳統到如今已經變了另外的模樣了。進入數位年代，現在早已沒見有人飲茶時看雜誌，八卦雜誌都死得九九十十了，取而代之是個個看著手機去飲茶。影食物照冇問題，但中式點心或中菜因為熱食比較多，灘涼了就唔好食，所以不宜用太多時間去拍照。可惜，你叫新一代「相機食先」的人唔影相喎，等於叫佢地去死一樣，佢地寧願影完唔食，但都係要影。我不得不認老，越來越囉唆了，還是做回我年代常做的習慣，就係飲茶吧! 不過，仍然要說，星期一至五我唔理你，但星期六日同得我飲茶，就真係唔好太注重影相啦。這天來到一間感覺新派的位於尖沙咀美麗華商場內的百樂小館，吃一些潮式和粵式點心，還有小食。以往點心給人一種肥膩的感覺，近年這感覺改變了，多了些有菜的點心，潮式「煎韭菜粿」不只爽脆，又有咬口，煎來亦沒有多餘的油。 「水晶餃」同樣都是如其名晶瑩剔透，軟滑無比，又多蔬菜粒，十分討好。潮州酒家當然要叫一碟「潮州鹵水鵝肉拼盤」才像樣啦。來一碗「招牌芝麻灌麵」，芝麻香得撲鼻，又並不吝嗇蔥油，不得不冒著超標的風險，也要吃一口。這天沒有買報紙雜誌，在座朋友亦沒有花太多時間影相，做回飲茶應有的禮儀，只