更多
2016-02-11
3773 瀏覽
大年初二與朋友一聚, 提議到ICC 101的 “田舍家 Inakaya”。上到去先發現我唔係第一次去田舍家食飯, 數數手指幾年前跟客人黎過食飯。今次同朋友一齊黎食, 感覺當然大有不同。座係101樓高並飽覽香港維多利亞港的晚境, 加上今晚維港上空放煙花慶猴年。可以係咁優雅的環境下同朋友相聚並暢談一翻, 唔駛食都已經開心。哈哈!今晚Inakaya推出Dinner Brunch迎煙花夜, 高級的日式放題, 別具一格!先order一個芒果特飲, 再黎個蔬菜粟米沙律同前菜小碟菠菜。刺身當然唔小得, 賣相已經好靚味道亦都好鮮, 再配以清酒。平時對魚類刺身不好的我, 我都可以清哂佢! 哈哈!我仲未趕得切再取第二轉, 就上個Main course – 龍蝦牛肉卷燒鵝肝! 外觀賣相已經夠殺食 .. 燒鵝肝外脆內軟, 味又夠濃, 入口即溶超好味真係要俾個讚!Kakaka .. 食完個Main, 繼續我的日式放題! 再嚐青豆/溫泉蛋配以壽司, 蘿蔔煮蜆 (口感幾特別, 有輕微辣辣地, 唔錯!)。再來日式串燒 – 雞翼串, 雞軟骨串同埋免治雞肉串 (呀! 而家先發覺全部都係雞肉有關, 哈哈!)未來得及食日式串
今晚Inakaya推出Dinner Brunch迎煙花夜, 高級的日式放題, 別具一格!先order一個芒果特飲, 再黎個蔬菜粟米沙律同前菜小碟菠菜。刺身當然唔小得, 賣相已經好靚味道亦都好鮮, 再配以清酒。平時對魚類刺身不好的我, 我都可以清哂佢! 哈哈!
我仲未趕得切再取第二轉, 就上個Main course – 龍蝦牛肉卷燒鵝肝! 外觀賣相已經夠殺食 .. 燒鵝肝外脆內軟, 味又夠濃, 入口即溶超好味真係要俾個讚!
Kakaka .. 食完個Main, 繼續我的日式放題! 再嚐青豆/溫泉蛋配以壽司, 蘿蔔煮蜆 (口感幾特別, 有輕微辣辣地, 唔錯!)。再來日式串燒 – 雞翼串, 雞軟骨串同埋免治雞肉串 (呀! 而家先發覺全部都係雞肉有關, 哈哈!)
未來得及食日式串燒, 原來已經夠時間放煙花啦!急急腳咁走去有利位置觀賞煙花, 嘩嘩嘩! 好靚仲影左好多相同video, 正! 同朋友開懷暢談同欣賞煙花真係一大快事。睇完煙花, 我地order左香檳齊慶賀一番。
呢個Brunch真係實在太多美食。師傅好好呀, 安排了三碟天婦羅 – 炸天老, 炸南瓜, 炸蕃薯俾我地, 香脆可口而入面仲可以保持天老的鮮南瓜的甜!
由兩位師傅主場的爐端燒更是重點 – 燒帶子/燒豆腐/燒餅, 又夠熱又夠味道! 見到有牛肉, 還以為係燒牛肉; 但師傅介紹係凍食牛肉, 其實有點奇怪同疑惑 “凍食牛肉”? 師傅切出薄薄牛肉配以特別醬汁, 口感又唔錯喎, 入口溶化又嫩滑!
差少少唔記得食我最鐘意的冷蕎麥麵, 配以蛋絲日式魚蛋紫菜絲, 加上少許wasabi同冷麵汁, 又夠凍而麵質又夠煙韌!
D人成日話食甜品係有第二個胃, 雖然食得飽飽, 但怎可能放過甜品! 甜品佔了一個小corner, 有好多唔同的精緻 “的骰” cake + macaron仲有唔小得係 … 雪糕! macaron有唔同味 raspberry, passion fruit, chocolate, blueberry, 外脆內軟, 甜度適中, 唔錯! 雪糕有柚子味, 芝麻味及紅豆味, 平時我最鐘食芝麻味但超清新的柚子味實在掩蓋了芝麻同紅豆味 (因為由於時間關係, 我.. 我將三個味放係同一個杯度
今餐係田舍家食到鮮味又看到無滴夜境/煙花, 而且呢度的服務亦非常友善及周到, Very good!
張貼
