甜牙牙 (已結業)

甜牙牙聽個名都以為是一般港式甜品店 ，一直未有試食，但見近日facebook朋友post 甜品相確實幾吸引，朋友食評不錯傳，搞到人心郁郁試下。試過就知果然名不虛。👍朱古力雪糕窩夫一出，每一枱的客人都望住，賣相好吸引。將一口窩夫放進口，好香濃朱古力味，窩夫烘脆度剛剛好，有少少煙靱，好味。👍再配上三款不同口味雪糕，呍呢拿、綠和朱古力，再加朱古力蛋卷，口感一絕 。略嫌伴碟水果太少和款式不太多，好像配哈密瓜……香蕉窩夫配Tramisu ,略嫌窩夫烘得太脆，有點硬，配上香蕉和蜜糖，都算幾好味。Tramisui 做得頗軟滑，手指餅滲着香濃咖啡味，又不太濕，不錯！芒果腸粉是我的至愛，並不是每間甜品店都能做到滑滑的粉皮包着又香又甜的芒果，這間做得到。再配上濃郁芒果醬，簡直是芒果痴首選。👍紅豆綠茶木槺布甸，聽個名已覺不太吸引，但試食後木槺布甸好香綠茶味，木槺滲出馬利餅味道，口感還很幼滑。綠茶雪糕是香濃牛奶綠茶味。大大粒紅豆 ，不太甜。確實令大家出乎意料之外。