沙嗲王 (已結業)

今日同個朋友話去沙嗲王揾食，因為聽講果度有佢地獨創嘅白咖哩，一聽到有新野食我就好開心，就算排左差唔多半個鐘隊都覺得值得，淋起食嘅就覺得值得喇，呢間店裝修都算OK，比較年輕化，服務都幾好啊，價格都比較親民。椒鹽炸豆腐，一般炸豆腐都會將豆腐炸得比較老，但呢度完全唔會，筷子都夾唔起，仲好嫩，一人一舊覺得唔夠食。沙嗲肥牛麵，沙嗲味好濃，我鐘意重口味嘅，覺得好正，牛肉煮得好嫩，麵夠入味，湯底好濃好香，好好食。香茅白咖哩豬扒飯，飯同菜分開，比較人性化，有三件豬扒，煎得剛剛夠火候，白咖哩比黃咖哩味道要淡，香茅味有D食唔慣，但感覺幾特別，D汁用嚟撈飯就好正，都算唔錯。