沙嗲王 (已結業)

今日專程為Pokémon而嚟。我叫咗嘅有：1.比卡超飯（味道普通，唔可以話好味，但賣相就非常好，比卡超樣好得意，幾有特色，我仲揀咗藍色嘅咖哩汁，不過味道係同普通咖哩一樣，有少少辣。）2.芝士焗年糕（呢個唔錯，幾好味，年糕唔會好un）3.日式蟹粉豆腐鍋配飯（呢個好好味，啲蟹粉混埋成個飯，好食！）4.炸饅頭（呢個唔錯啦，之前嚟食都會叫，但好飽肚。）5.紅色藍色特飲各一杯，每隻顏色代表一隻Pokémon，仲會送一張Pokémon杯墊（味道就普通啦，有Cream面，有啫喱係底，有塊印咗Pokémon公仔嘅白朱古力，仲有一啲配飾，但原來係糖嚟，可以食）