新東記火鍋店 (已搬遷) 新店位置

夏天就算氣溫有幾熱, 都唔會阻到我打邊爐嘅興致。今次同同事黎到尖沙咀新東記, 試下呢度食材同埋湯底質素如何!!黎打邊爐, 第一樣order嘅, 當然就係肥牛啦。大家都見到, 紋理分布均勻, 係麻辣湯底度快滾十多秒, 入口即溶嘅感覺, 真係令人停唔到口!!原隻黃油雞, 肉質非常鮮滑!! 就咁食頭兩道食材, 都已經感覺呢度同普通嘅火鍋店唔同, 食材新鮮之餘, 仲要質素上乘!接著落黎, 繼續都係牛, 呢碟牛舌亦都係搶手貨。肉質好爽口, 唔駛再點醬料, 都食到佢嘅牛香味, 絕對值得一試!食完肉類之後, 就到海鮮盛宴嘅時候! 大大隻嘅生蠔首先上陣, 係湯料淥幾分鐘亦都無損佢嘅鮮味!係火鍋店都有得食刺身? 無錯! 象拔蚌刺身, 大大件呈上, 爽口彈牙之餘, 亦都非常之新鮮!除左象拔蚌刺身之外, 仲有龍蝦刺身。雖然佢望落太白太透, 但係入口鮮甜即融, 真係好好食!Overall黎講, 咁嘅價錢, 食到咁嘅質素, 絕對物超所值。