新東記火鍋店 (已搬遷) 新店位置

今日又同成班大食同事去覓食啦！今次黎到尖沙咀嘅新東記，聽聞呢度啲肥牛非常出色，身為牛之達人嘅我，真係要試試！坐底左佢就比左一埋醬料我地選擇，我係一個好中意基本野嘅人，揀左豉油加蔥花就算數！野食就交比我呀姐發板啦！唔洗幾耐，湯底就先上檯，我個邊係麻辣湯底，我就偷飲左一啖，不過好似唔係太辣，中意食辣但唔太辣嘅朋友可以試試！之後無耐牛都嚟埋啦！我最期待嘅牛出現了！哇,,,,啲雪花靚仔到呢,,,即刻啪一舊先！咁正嘅！大FIT！脂肪比例幾好，牛味亦都好重，但份量唔算多，我都唔係幾好意思係咁食。其他野食都不過不失，值得一提係佢個雞翼，配合埋佢湯底真係天衣都無縫！呢餐正！                                                                                                    牛之達人: GOOD