更多
2012-05-25
4025 瀏覽
第一篇食評刊登左，好開心！既然放大假，得閒就寫下先！尋晚等同事收工一齊去德興任食，早兩日已經訂左台，去到即有位，訂台呢個發明實在太偉大了~不過可能由於係平日，全晚其實都係有吉台既。呀同埋我無影到相，哈哈見到賣相我真係完全無衝動要影，不過同佢味道又無直接關係既，新鮮程度一定差d但整體黎講味道ok既。因為係任食，張list上既野幾乎俾我地4個人叫齊晒，等我highlight幾點：1. 新推三小時任食？我已經大半年無黎德興，之前一路都知係入坐計兩小時任食，尋晚見到餐牌，有兩小時($130)/三小時($141)任食 []，對於吹水吹到慶起被人催埋彈而有怨憤既我，有三小時任食都係好事。最初我地諗住兩小時個陣會被人催埋單，但又無喎，原來佢已經自動將我地撥入三小時，其實都唔介意，不過如果兩小時既時候問一問會更加貼心。2. 混醬收費究竟係一人要全全部人要俾，定係要既人頭計呢？我記得上次黎明明係前者，即係唔理你幾多人要混醬，都係位位$9。今次個部長話係兩位起，要既人頭先俾錢，咦正喎，因為我地當中有人真係只要豉油就得！咁我地就話計三個人啦，到個侍應埋黎，呀佢又話要計全四位，唔係$9既問題，你地究竟點收費架
尋晚等同事收工一齊去德興任食，早兩日已經訂左台，去到即有位，訂台呢個發明實在太偉大了~不過可能由於係平日，全晚其實都係有吉台既。
呀同埋我無影到相，哈哈見到賣相我真係完全無衝動要影，不過同佢味道又無直接關係既，新鮮程度一定差d但整體黎講味道ok既。因為係任食，張list上既野幾乎俾我地4個人叫齊晒，等我highlight幾點：
1. 新推三小時任食？
我已經大半年無黎德興，之前一路都知係入坐計兩小時任食，尋晚見到餐牌，有兩小時($130)/三小時($141)任食 [[但入座時佢無無問我地要食幾耐]]，對於吹水吹到慶起被人催埋彈而有怨憤既我，有三小時任食都係好事。最初我地諗住兩小時個陣會被人催埋單，但又無喎，原來佢已經自動將我地撥入三小時，其實都唔介意，不過如果兩小時既時候問一問會更加貼心。
2. 混醬收費
究竟係一人要全全部人要俾，定係要既人頭計呢？我記得上次黎明明係前者，即係唔理你幾多人要混醬，都係位位$9。今次個部長話係兩位起，要既人頭先俾錢，咦正喎，因為我地當中有人真係只要豉油就得！咁我地就話計三個人啦，到個侍應埋黎，呀佢又話要計全四位，唔係$9既問題，你地究竟點收費架？個部長見到我地雞同鴨講，就過來澄清，其實真係要既人頭俾錢既，唔該晒部長！(呀個侍應唔好意思都無聲，嘴miu miu+_+)
3. 恆生卡有折
去到埋單，佢問我地有無恆生卡，原來有折，sorry大家傾到興高彩烈真係無留意折左幾多，總之埋單總共$499 (任食加混醬，無叫野飲，飲茶only)，每人先$125！好抵食呀！好鬼開心~
4. 食物小評，整體其實唔錯，仲覺得好過我上次來食添。正常的食物唔特別講，較好/差既就同大家分享下：
(好)魚腐：細細粒，lup lup 突突，其貌不揚咁，但竟然有d鮮味，好好食下喎！
(好)南瓜：厚度切得幾平均，好甜！
(好)肥牛：我覺得都幾鮮味，擺出來一圈圈又算幾企理 (只係唔知份量點落單好，我地寫左"5"，諗住來一大份，點知佢俾5片；第2輪再寫"5"，又大大份，估佢唔到)
(好) 蟹腿肉：上台時仲有d冰雪，硬梆梆，正宗急凍野，唔緊要啦，放去淥下就得，食起來係一條條架bor，算係咁啦。
(差)餃類：佢d餃一律厚皮少餡。
(差)水晶包：又係厚皮少餡，食左粒叉燒味，d叉燒無味既！
(差)豬潤：呢樣真係超級唔新鮮，上台已經深紅色，熟左之後，口感同味道都好古怪，之後成碟無食。
張貼