更多
2012-10-03
954 瀏覽
今次其實我已經第三次幫襯小肥牛！但係頭兩次都係係太子個間！個到可能大好多啦，好似有幾層，勁爆場！舉極手都冇人招呼同服務我地！同埋d野食又差，特別係d特價牛肉同活魚刺身，但係又想飲佢地ge特價啤酒，所以今次揀左尖沙咀試下，但本身對佢地d野食冇咩期望，吾係20蚊3支特價啤都未必會黎！但食落d野又喜出望外喎！吾講甘多食野先！一行五3女2男人叫左幾多野食下！首先用番上次張刺身贈卷！條石蚌魚好鬼生猛，上到枱仲個頭同尾仲識搖下搖下！而且肉身十分之薄同埋擺設都好細緻，可見師傅刀功好到家！我地坐左比較近廚房ge枱，見到個藍衫金毛仔師傅好用心做野，我d fd仲話佢好高大靚仔下，頂！心諗食野定望仔牙:望望下又幾靚仔ge又！食食下見到隔離枱叫左象拔蚌刺身，早幾個月去太子幫襯都冇賣，細問之下原來180幾蚊一條，貪得意我地都叫左條試下！一擺落口十分新鮮，鮮味重，大塊又好薄身！不過靚仔師傅俾d檸檬好鬼細塊，都揸吾到幾多汁出黎！跟住到打邊爐啦！我地叫左個雙拼湯底，豆腐湯加沙嗲湯，依到沙嗲湯比較濃，d野食入味好多！主角牛肉出場，叫左碟手切頸牛肉，牛肉花紋多，肥瘦好均勻，鋪滿碟，賣相一流，入口吾會太韌,應該係新鮮牛肉正
一行五3女2男人叫左幾多野食下！首先用番上次張刺身贈卷！條石蚌魚好鬼生猛，上到枱仲個頭同尾仲識搖下搖下！而且肉身十分之薄同埋擺設都好細緻，可見師傅刀功好到家！我地坐左比較近廚房ge枱，見到個藍衫金毛仔師傅好用心做野，我d fd仲話佢好高大靚仔下，頂！心諗食野定望仔牙:望望下又幾靚仔ge又！食食下見到隔離枱叫左象拔蚌刺身，早幾個月去太子幫襯都冇賣，細問之下原來180幾蚊一條，貪得意我地都叫左條試下！一擺落口十分新鮮，鮮味重，大塊又好薄身！不過靚仔師傅俾d檸檬好鬼細塊，都揸吾到幾多汁出黎！
跟住到打邊爐啦！我地叫左個雙拼湯底，豆腐湯加沙嗲湯，依到沙嗲湯比較濃，d野食入味好多！主角牛肉出場，叫左碟手切頸牛肉，牛肉花紋多，肥瘦好均勻，鋪滿碟，賣相一流，入口吾會太韌,應該係新鮮牛肉正比起上次係太子叫ge，差好遠，睇落去似瘦肉，食落去似駝鳥肉！另外我地用左刺身贈卷所以吾叫得特價牛肉，所以叫多碟安格斯牛肉食，食落去冇頸甘正，但口感吾差，吾太肥同太瘦，幾鬆化！
仲有叫左新鮮手打蝦滑，好彈牙同爽口，而且幾大個下，而上次係太子叫個個都係同樣味道，但係豆豉甘細！丸方面叫左芝士牛丸同芥辣墨丸，芝士同牛丸味道好配合，咬落芝士爆晒口！而芥辣墨丸依到辣好多！流曬眼淚，記得上次係太子食完全冇芥辣味
另外仲叫左炸腐皮,桶檺，冬菇，皇帝菜，雲呑水餃等等好多多冇咩特別！值得一提桶檺依到俾7隻我，上次係太子俾5隻，大家都係甘大隻！吹脹
環境服務方面！依到會好少少，起碼冇甘嘈，同埋地方清潔企理d！不過期間係到見到有個灰衫四眼經理係到發脾氣鬧d同事，甘岩又係正我地張枱面前，搞到周圍望住晒，場面勁尷尬！我d fd話上次係太子見過佢，又係甘鬧人，所以認得佢，成個變態色魔甘！但係依到d侍應有禮貌d，我地舉手都主動埋黎招呼！
總括來說依間d野食正好多，環境舒服d！不過d女仔話下次一定要黎番依間睇靚仔喎！我地5個人叫左甘多野食1300幾埋單合理牙！
題外話/補充資料：
成班餓狼！都吾記得影番張相留念
(以上食評乃用戶個人意見 , 並不代表OpenRice之觀點。)
張貼