更多
2015-05-11
3811 瀏覽
今次去咗天寶閣,之前只係嚟飲過,至於飲茶都係第一次,試咗好多點心,讚呀!睇吓我食咗啲咩.冬菇包真係好似冬菇，頭頭以為係冬菇釀啲餡喺下面，但原來係脆邊，下邊放餡，嘻嘻，如果多啲餡就好喇腸粉牛腩牛腩非常入味,五香味偏重, 唔係求其搵啲炆兩炆嘅牛腩加脆漿炸，而且真係新鮮即炸即放落腸粉到，一上枱即刻食係，仲係脆身，喜愛牛腩嘅朋友一定要試！芋角又滑（夠豬油呀)，又濃味，香口唔會油淋淋，讚！燒腩仔比五花腩最靚嗰幾粒你，肉一層肥一層瘦，但真係得嗰幾粒，皮係脆，唔係死實實嗰種脆，係咬落去會散開嗰種感覺。燒賣而家飲茶好少會叫燒賣，但既然有人叫咗就即管試吓，估唔到，一咬落去對燒賣有好大嘅改觀，平時係肥豬肉，軟軟咁一舊肉，就算加埋蝦都係蝦還蝦，肥豬肉還肥豬肉，但呢度唔係，冬菇，豬肉，蝦份量配合得好，肉咬落去有照頭，冬菇味有而味道濃郁得嚟又唔會霸道到搶晒啲味道蝦蛟基本上如果叫咗燒賣就唔會叫蝦餃，但今日唔係我負責叫，就試埋蝦餃啦，相對燒賣，蝦當然會比較多，有鮮味，但燒賣實在太出色，再食都會食燒賣多過蝦餃黑松露小籠包黑松露太喧賓奪主，完全搶晒小籠包嗰口湯同肉味，除非你好鍾意黑松露嗰種味，否則可以唔叫茶，鐵觀音比上
冬菇包
234 瀏覽
0 讚好
0 留言
真係好似冬菇，頭頭以為係冬菇釀啲餡喺下面，但原來係脆邊，下邊放餡，嘻嘻，如果多啲餡就好喇
腸粉牛腩
牛腩非常入味,五香味偏重, 唔係求其搵啲炆兩炆嘅牛腩加脆漿炸，而且真係新鮮即炸即放落腸粉到，一上枱即刻食係，仲係脆身，喜愛牛腩嘅朋友一定要試！
芋角,燒腩仔
199 瀏覽
0 讚好
0 留言
又滑（夠豬油呀)，又濃味，香口唔會油淋淋，讚！
燒腩仔
比五花腩最靚嗰幾粒你，肉一層肥一層瘦，但真係得嗰幾粒，皮係脆，唔係死實實嗰種脆，係咬落去會散開嗰種感覺。
燒賣
而家飲茶好少會叫燒賣，但既然有人叫咗就即管試吓，估唔到，一咬落去對燒賣有好大嘅改觀，平時係肥豬肉，軟軟咁一舊肉，就算加埋蝦都係蝦還蝦，肥豬肉還肥豬肉，但呢度唔係，冬菇，豬肉，蝦份量配合得好，肉咬落去有照頭，冬菇味有而味道濃郁得嚟又唔會霸道到搶晒啲味道
蝦蛟
基本上如果叫咗燒賣就唔會叫蝦餃，但今日唔係我負責叫，就試埋蝦餃啦，相對燒賣，蝦當然會比較多，有鮮味，但燒賣實在太出色，再食都會食燒賣多過蝦餃
黑松露小籠包
黑松露太喧賓奪主，完全搶晒小籠包嗰口湯同肉味，除非你好鍾意黑松露嗰種味，否則可以唔叫
茶，鐵觀音
比上次另一間酒店酒樓，呢度啲茶好好多，當然唔會係又滑身又有芬芳香味嗰種鐵觀音，但起碼飲落去有茶味呀。
咸水角
同之前個菇包比，咸水角多好多餡，食落去又唔黐牙，可試
xo醬蘿蔔糕
149 瀏覽
0 讚好
0 留言
蘿蔔糕實身唔係軟奶奶，因為用xo醬炒，所以本身有咩味都已經蓋過晒，可以講吓嘅係xo醬，個人覺得佢個味比較腥，但腥呢種味道好個人，可能你又會覺得佢係鮮.
蝦醬雞翼
157 瀏覽
0 讚好
0 留言
酥皮叉燒飽，個皮做得好鬆，好軟，但因為本身個皮有味，叉燒飽啲料相對冇咁濃，料切得適中。
傳統叉燒飽相對可以食到濃郁嘅味道，因為佢個飽皮本身冇味，夾番呢種冇味皮，個味道就啱啱好，個飽皮滑身，咬落去唔會痴住啲牙，讚！
相對之下珍珠雞可以話係最平平無奇，始終同糯米雞比，食法係完全唔同，糯米雞大一大隻，裏面可以放多啲唔同類型嘅料，打個杰啲嘅獻，珍珠雞相對可以發展嘅空間就細好多，可以放一片臘腸同一舊臘腸差好遠㗎，公平啲講，其實味道係唔錯，濃濃嘅獻加肉碎，係我太麻煩啫.
精美甜品
211 瀏覽
0 讚好
0 留言
張貼
