更多
2015-03-11
3031 瀏覽
呢一晚得舊老闆邀請一齊食團年飯，我地book位時已經order左黑松露薏米燒釀乳豬，同埋松茸野菌富貴雞。呢個乳豬冇記錯既話應該係$1280，富貴雞就$880，賣到呢個價錢，就即管睇下有幾好食啦！我當日得lunch食得好清，因為一隻乳豬加多隻雞 for 5個人黎講係多左dd，我仲想食其他野吖嘛 (笑)。一開始就叫個冷盤先，基本上次次黎都會叫呢個芥末海蜇頭，淡淡wasabi味，加上爽口彈牙既海折，好正啊！首先出場係天下第一豬，我對呢隻黑松露豬滿有期望架，一隻大約有12件，豬仔用左薏米、黑松露、糯米、蓮子、野菌等等釀入，豬豬既精華及油香喺烹調過程中同所有餡料融為一體，乳豬皮非常脆，糯米花生等有咬口，黑松露香味濃郁，食一件真係唔夠，起碼食2件先得 之後松茸野菌富貴雞都出場啦！入面既材料除左雞肉，當然有好多野菌，仲有咩材料我真係唔知，入面基本上係一pat野林patpat，毫無口感好似食糊仔，味道就是怪怪的，我唔識形容，算係失敗之作 上湯鮮露筍好清淡，可以將頭先食得濃味既舌頭過一過冷河，露筍亦算嫩，冇起渣。呢碟蝦個名我唔記得左添，any肥我覺得好味既，蝦肉爽口彈牙，配有鮮百合一齊炒香，加埋少少
我當日得lunch食得好清，因為一隻乳豬加多隻雞 for 5個人黎講係多左dd，我仲想食其他野吖嘛 (笑)。一開始就叫個冷盤先，基本上次次黎都會叫呢個芥末海蜇頭，淡淡wasabi味，加上爽口彈牙既海折，好正啊！
首先出場係天下第一豬，我對呢隻黑松露豬滿有期望架，一隻大約有12件，豬仔用左薏米、黑松露、糯米、蓮子、野菌等等釀入，豬豬既精華及油香喺烹調過程中同所有餡料融為一體，乳豬皮非常脆，糯米花生等有咬口，黑松露香味濃郁，食一件真係唔夠，起碼食2件先得
之後松茸野菌富貴雞都出場啦！入面既材料除左雞肉，當然有好多野菌，仲有咩材料我真係唔知，入面基本上係一pat野林patpat，毫無口感好似食糊仔，味道就是怪怪的，我唔識形容，算係失敗之作
上湯鮮露筍好清淡，可以將頭先食得濃味既舌頭過一過冷河，露筍亦算嫩，冇起渣。
呢碟蝦個名我唔記得左添，any肥我覺得好味既，蝦肉爽口彈牙，配有鮮百合一齊炒香，加埋少少辣味刺激一下，好開胃啊！
大蔥鱈魚，大蔥我唔食既，鱈魚肉好滑冇骨 (笑)，其他感想我諗唔到啦！因為真係飽到上心口，得只係食左一塊仔鱈魚咋。。。 有member card 75折，呢餐折左都要3000幾，不過食物質素唔錯，加埋服務貼心，都ok啦！
張貼
