更多
2016-07-12
2475 瀏覽
先排見到半島同Tiffany &Co 聯手推出六月限定 tea set : New York Spirit (紐約神韻）心郁郁又想試。約一點到半島大堂，條人龍已經排到...唔知係紅日定端午節嘅威力，我認，我低估咗大家嘅戰鬥力😂排咗3個幾鐘，終於可以入座，真係望穿秋水😑Tea set 最下層係半島聲稱最有代表性的新鮮出爐英式鬆餅，仍然同記憶中一樣，又乾又笠，而所謂嘅有機草莓果醬就只有甜味。中間個層係例牌嘅鹹點：三文魚麵包麵（因為bagel嘅關係有啲硬），青瓜三文治（正常），牛肉酸瓜三文治（因為唔食牛，所以淨食酸瓜三文治，唔錯，比青瓜嘅好味），蘑菇脆撻（麻麻地，撻身軟，唔脆）。而茶點銀架上層的甜糕：云喱拿及白巧克力馬卡龍（好甜，白巧克力味重）紐約芝士餅配藍莓忌廉牛油酥餅（唔錯）；青檸椰子杯子蛋糕（都係甜，但椰子味重而青檸味欠缺）：Tiffany & Co. 經典藍盒形蛋糕（好靚呀，但係試唔出杏仁味或草莓橙皮味，仍然係甜到入心）茶，揀咗Earl Grey Tea，雖然我對茶唔係太在行，但飲落就只有苦澀沒有茶香！幾年前食過就對佢地嘅scones 止步，估唔到幾年後水準仍然一樣令人失望。要用咁多
約一點到半島大堂，條人龍已經排到...唔知係紅日定端午節嘅威力，我認，我低估咗大家嘅戰鬥力😂
排咗3個幾鐘，終於可以入座，真係望穿秋水😑
Tea set 最下層係半島聲稱最有代表性的新鮮出爐英式鬆餅，仍然同記憶中一樣，又乾又笠，而所謂嘅有機草莓果醬就只有甜味。
中間個層係例牌嘅鹹點：三文魚麵包麵（因為bagel嘅關係有啲硬），青瓜三文治（正常），牛肉酸瓜三文治（因為唔食牛，所以淨食酸瓜三文治，唔錯，比青瓜嘅好味），蘑菇脆撻（麻麻地，撻身軟，唔脆）。
而茶點銀架上層的甜糕：云喱拿及白巧克力馬卡龍（好甜，白巧克力味重）紐約芝士餅配藍莓忌廉牛油酥餅（唔錯）；青檸椰子杯子蛋糕（都係甜，但椰子味重而青檸味欠缺）：Tiffany & Co. 經典藍盒形蛋糕（好靚呀，但係試唔出杏仁味或草莓橙皮味，仍然係甜到入心）
茶，揀咗Earl Grey Tea，雖然我對茶唔係太在行，但飲落就只有苦澀沒有茶香！
幾年前食過就對佢地嘅scones 止步，估唔到幾年後水準仍然一樣令人失望。要用咁多時間，排3個幾鐘係咁開揚嘅酒店大堂食一個水準一般，華而不實嘅tea set，我又中伏了！
重點：後來同waitress確認發現，原來酒店會員或VIP只需打電話便可留座💔幾時半島都玩貴賓/會員制
Tea set for 2
$345
129 瀏覽
1 讚好
0 留言
張貼
