八月居 (海港城) (已結業)

於2003年畢業的我，第一份工作是從事電影行業的，同事眾多。12年後，同好多位同事都keep到友情，經常碰面。我的第一任老闆是大好人，他非常照顧我，今天他約飲茶，選了來Jasmine House的露天雅座。天氣超好，陽光普照，望住海景吃飯，份外寫意。美心集團的水準唔會特別出色也不會特別差。份量偏大，老闆叫咗超多食物，多到食唔哂。蝦餃的皮做得夠煙韌，蝦大大隻，OK。燒賣的蝦同豬肉都新鮮，足料。棉花雞不油膩，雞肉都算滑。鮑汁雞腳好好吃，雞腳炆到好腍，膠質好重。灌湯餃都唔錯 ，湯底清甜，餃內好多蝦，不會太杰。老闆，好多謝你對我的包容，我知我當年將公司當做遊樂園，周圍玩樂多過正經辦事。我心裡是過意不去的，明年一月請你食牛扒補數！