更多
2014-09-09
15921 瀏覽
有兩位靚女密友係8月之星，其中一位想食buffet, 另一位就提議去食宵夜buffet, 話九龍酒店d野好抵食，信用卡又有75折 , 既然壽星女讚好，大家就姑且一試喇！壽星靚女認真唔話得，仲一手包辦呢個8月份生日會呢！倚窗閣既格局佈置非常優雅，長形大廳夠寛敞，空間感大，自然坐得特別舒適！唔講唔知，自攜外來食物，餐廳要額外收取100蚊 架！既然自助餐內有甘多蛋糕，無謂太浪費買生日蛋糕姐，我地一於就地取材diy，再以朱古力噴泉醬寫出心意，夠哂獨一無二 卦！Buffet bar既野食有好多款, 但就係博而不精，無咩亮點！甜品算係最好，較出色既有芒果拿破侖 ，細細件, 酥皮夠薄夠鬆化，夾左香甜既芒果肉及幼滑既吉士醬，yummy yummy!楊枝甘露 ，芒果味芳香，柚肉無澀味，西米粒粒順滑，入口相當清甜！全場至正就真係得呢兩款 ，死唔死！其他如紐約芝士餅、黑森林、朱古力、咖啡等蛋糕都係一般西餅味！窩夫唔脆！pancake軟腍得濟！鮮果tart又太甜！至於熱盤類，焗蠔無芝士味，蠔仔細隻無蠔味。大眼雞魚一大堆，睇見都無胃口！煎腸粉、牛肉燒賣、薯仔、鴨肉、雞、叉燒、豬仔骨等一般，類似k b
倚窗閣既格局佈置非常優雅，長形大廳夠寛敞，空間感大，自然坐得特別舒適！唔講唔知，自攜外來食物，餐廳要額外收取100蚊 架！既然自助餐內有甘多蛋糕，無謂太浪費買生日蛋糕姐，我地一於就地取材diy，再以朱古力噴泉醬寫出心意，夠哂獨一無二 卦！
Buffet bar既野食有好多款, 但就係博而不精，無咩亮點！甜品算係最好，較出色既有芒果拿破侖 ，細細件, 酥皮夠薄夠鬆化，夾左香甜既芒果肉及幼滑既吉士醬，yummy yummy!
楊枝甘露 ，芒果味芳香，柚肉無澀味，西米粒粒順滑，入口相當清甜！全場至正就真係得呢兩款 ，死唔死！其他如紐約芝士餅、黑森林、朱古力、咖啡等蛋糕都係一般西餅味！窩夫唔脆！pancake軟腍得濟！鮮果tart又太甜！至於熱盤類，焗蠔無芝士味，蠔仔細隻無蠔味。大眼雞魚一大堆，睇見都無胃口！煎腸粉、牛肉燒賣、薯仔、鴨肉、雞、叉燒、豬仔骨等一般，類似k buffet既味道！咖哩羊、雞等，咖哩香滑，羊肉羶味少，雞肉嫩滑。豉汁青口，肉質麻麻。素腐皮尚算好味！Pizza較鹹，餅皮軟化唔脆！粉葛鯪魚湯太淡，要自己落盬！壽司bar，得三文魚刺身稍為食得下，其他刺身唔多新鮮！壽司d飯太實！冷盤類，凍蟹d肉唔新鮮唔彈身！青口肉有d鞋口！翡翠螺細隻又多沙！
生果有火龍果、西瓜、蘋果、橙等，無refill, 一早清哂，完全未食過！
侍應生比較懶散，少去收碟！環境一流但野食就認真麻麻，宵夜要10點先開餐，唔會再有下次！
張貼
