更多
2015-11-25
728 瀏覽
上次食唔到喜之次唔甘心，死心不息！一定要複卓，仲唔比我食到您！專登要求要窗門位又要有景，剩返鐵板燒枱乍喎，無緊要，都好。今晚個場依舊冷清，可能價錢實在太可怕啦！不過啱晒我，夠寧靜可以比我安心地食餐好既。第二次幫襯都巡例細讀一下 menu，今晚主角係燒原條喜之次，其他都無咩所謂啦，當然要好食！由頭盤開始，京都豆腐鍋未試過，先黎助料蘿蔔蓉及萬能蔥，少女期待既心情。洗腳桶？第一個感覺勁搞笑，哈哈哈！侍應四眼姐姐溫馨提示小心木桶側個氣孔會噴出蒸氣，好熱架，小心。多謝姐姐關心。京都豆腐鍋，賣相夠驚喜，係咪師傅係浸緊腳既時間創出依個菜色架呢？打開桶蓋，兩舊豆腐、幾條大蔥、幾片鮮冬菇，依個演繹都幾大堆頭且勞私動眾喎，哈哈。京都豆腐鍋，看似簡單，但味道純樸而清新，有種置身於日本小橋流水旁既感覺。清香醬油、蘿蔔蓉、萬能蔥混和豆腐，返樸歸真，毫不花巧，熱辣辣滑豆腐豆香濃厚，鮮菇彈牙流滿水份，美味！日式蒸蛋，極盡豪華富貴版，好味至極無得彈！松葉蟹腳、海膽刺生、黑松露醬，賣相一流，而且味道、配搭同樣出眾。鮮甜既松葉蟹肉跟海膽搭上滑溜蒸蛋，所有食材味道緊扣相呼應，併出無人能及既美味，必食推介。鐵板珍寶活帶子，勁
由頭盤開始，京都豆腐鍋未試過，先黎助料蘿蔔蓉及萬能蔥，少女期待既心情。洗腳桶？第一個感覺勁搞笑，哈哈哈！侍應四眼姐姐溫馨提示小心木桶側個氣孔會噴出蒸氣，好熱架，小心。多謝姐姐關心。京都豆腐鍋，賣相夠驚喜，係咪師傅係浸緊腳既時間創出依個菜色架呢？打開桶蓋，兩舊豆腐、幾條大蔥、幾片鮮冬菇，依個演繹都幾大堆頭且勞私動眾喎，哈哈。京都豆腐鍋，看似簡單，但味道純樸而清新，有種置身於日本小橋流水旁既感覺。清香醬油、蘿蔔蓉、萬能蔥混和豆腐，返樸歸真，毫不花巧，熱辣辣滑豆腐豆香濃厚，鮮菇彈牙流滿水份，美味！
日式蒸蛋，極盡豪華富貴版，好味至極無得彈！松葉蟹腳、海膽刺生、黑松露醬，賣相一流，而且味道、配搭同樣出眾。鮮甜既松葉蟹肉跟海膽搭上滑溜蒸蛋，所有食材味道緊扣相呼應，併出無人能及既美味，必食推介。
鐵板珍寶活帶子，勁大隻呀！有手掌咁大。鐵板珍寶活帶子，廚師先將帶子劏開，起肉慢慢煎，殼上倒入高湯先煮滾。裝作需時，請耐心等候。鐵板珍寶活帶子，先黎個帶子裙邊，半熟十分爽脆，帶子鮮甜味香濃，浸過高湯既精華更能帶出鮮味。特別加上三文魚籽、京蔥絲及青瓜絲同吃，味道更豐富，仲有種清新感覺，口腔散發著京蔥青瓜既香氣。鐵板珍寶活帶子，姍姍來遲，終於到喇！一路望住廚師烹調一路滴住口水呢！
巨形珍寶 size 真係要花點時間慢慢煎，否則濃晒都未熟呢！堅大隻到可以用刀叉品嘗，一隻足夠同美女一齊分享。兩面煎得金黃香口，同時能鎖緊裡面既肉汁跟蛋白質。全熟蒸發左多餘既水份，使到帶子味道更濃縮，質地滑滑彈彈而帶點咬口，配上暖暖上湯非常香甜，再連同咸香脆卜卜三文魚籽一齊食，咸跟甜撞得好味。不過我反而覺得帶子裙邊更加出色喎，哈哈。
碳燒原條赤目魚，咩野話？喜之次剛剛賣晒！我專登為左佢而黎架！唯有食赤目啦。碳燒原條赤目魚，一睇就知好好味，冠軍造型，活既一樣，食慾大增！仲要傳來香噴噴既燒魚香味，我頂唔住喇！
碳燒原條赤目魚，由細到大都勁鍾意食魚眼，即刻插佢雙眼先！要忍痛割愛跟美女分享我雙眼囉，陰功！在不情不願下分甘同味，一人一隻眼啦。熱辣辣骨膠原同滑嘟嘟晶體好鬼好味，仲泛著淡淡鮮魚味架 ﹗碳燒原條赤目魚，我都盡晒力控制住我情緒，盡晒力唔好失控，要保持禮儀慢慢食慢慢嘆架喇，但都唔洗一分鐘就蒸發左條魚囉！怪您過份美味。日本海魚魚味特濃又勁多肉汁，肉質滑溜加上甘香外皮，絕對食唔停口啦！連魚頭魚骨魚尾都要地毡式啜得徹徹底底、乾乾淨淨。好食得過份，但過千蚊條只得手掌咁大，真係有點赤赤痛，哈哈。
洋蔥汁燴銀鱈魚柳，美女最愛食銀雪魚，但次次牛油鐵板燒好悶，師傅話煮個新口味我地試試啦，麻煩晒啊！新煮法。先慢煎銀雪魚，煎得兩面金黃乾爽，再調個汁。炒香大量洋蔥絲浸出甜味，加上湯落調味，放上銀雪魚完成。味道雖然都唔差，金黃香口、肉嫩多汁，但都係乾煎原味加少少鹽最好食！
香煎法國鵝肝，美女要求當然無問題啦。鵝肝偏瘦唔夠油潤，硬係覺得似普通鵝肝，唔係法國肥鵝肝。煮得太熟有點乾，外層脆口包著黏口鵝肝肉，不過不失，一試無妨。
煙肉蘆筍串燒，翻卓煙肉蘆筍，實在簡單美味！燒出煙肉既油香浸入蘆筍之中，蘆筍爽甜多汁仲散發出煙肉既味道，嚥韌咸香混上爽脆清甜，味道多層次而複雜，產生令人驚嘆既化學作用，好好食！
日本和牛粒串燒，輕輕撒上海鹽、黑椒調味就可以燒喇。烤牛肉極香，油脂豐富燒得更香。豪爽地一口四粒夠滿足，牛味濃厚夾雜甘香牛脂，質地外脆內軟，好味道！
金箔士多啤梨果凍，好有彈性震騰騰啊！好得意！普通果凍加上少少金箔，當堂矜貴左。士多啤梨味酸酸甜甜，真係幾好味。
京都豆腐鍋，日式蒸蛋，鐵板珍寶活帶子，鐵板珍寶活帶子，碳燒原條赤目魚，洋蔥汁燴銀鱈魚柳，香煎法國鵝肝，金箔士多啤梨果凍，好滿足、好好味、好飯吧呢。多謝 HKD3000。
京都豆腐鍋
16 瀏覽
0 讚好
0 留言
京都豆腐鍋
17 瀏覽
1 讚好
0 留言
京都豆腐鍋
10 瀏覽
0 讚好
0 留言
京都豆腐鍋
27 瀏覽
0 讚好
0 留言
日式蒸蛋
17 瀏覽
0 讚好
0 留言
鐵板珍寶活帶子
7 瀏覽
0 讚好
0 留言
鐵板珍寶活帶子
11 瀏覽
0 讚好
0 留言
鐵板珍寶活帶子
9 瀏覽
1 讚好
0 留言
鐵板珍寶活帶子
9 瀏覽
0 讚好
0 留言
碳燒原條赤目魚
16 瀏覽
0 讚好
0 留言
碳燒原條赤目魚
12 瀏覽
0 讚好
0 留言
碳燒原條赤目魚
12 瀏覽
0 讚好
0 留言
洋蔥汁燴銀鱈魚柳
13 瀏覽
0 讚好
0 留言
香煎法國鵝肝
16 瀏覽
0 讚好
0 留言
煙肉蘆筍串燒
19 瀏覽
0 讚好
0 留言
日本和牛粒串燒
10 瀏覽
0 讚好
0 留言
金箔士多啤梨果凍
14 瀏覽
0 讚好
0 留言
京都豆腐鍋，日式蒸蛋，鐵板珍寶活帶子，鐵板珍寶活帶子，碳燒原條赤目魚，洋蔥汁燴銀鱈魚柳，香煎法國鵝肝，金箔士多啤梨果凍
27 瀏覽
0 讚好
0 留言
張貼
