更多
2014-11-04
3913 瀏覽
呢間一直都想試好耐，但一直都以為得荃灣先有，對我呢d九龍人黎講有d遠，點知原來太子有，所以嗰日就喺嗰度同朋友慶祝生日。一如所料，要等好耐位，我地三個人都等左差唔多一個鐘。我地叫左大食拼盤、海鮮pizza同和牛長通粉。和牛長通粉好好食，一口和牛好軟滑；但海鮮pizza無預期中咁好食，可能個人比較喜歡厚底，佢就係薄底，脆脆地有d似餅乾，但值得一讚係每塊pizza都有原隻大蝦，個醬都好夾好正。另外個大食拼盤都幾抵食，又有腸又有春卷又有薯條.....，仲有三款醬送埋，三個人食唔哂，名符其實夠「大食」，食到尾有少少滯tim。總結來講，呢間舖頭都屬偏貴，但格調唔錯，充滿英倫風，又有好多得意嘢俾你睇，而且聽講呢度成日有人嚟開talk講去旅行嘅趣事，大家不妨留意下！
呢間一直都想試好耐，但一直都以為得荃灣先有，對我呢d九龍人黎講有d遠，點知原來太子有，所以嗰日就喺嗰度同朋友慶祝生日。一如所料，要等好耐位，我地三個人都等左差唔多一個鐘。
我地叫左大食拼盤、海鮮pizza同和牛長通粉。和牛長通粉好好食，一口和牛好軟滑；但海鮮pizza無預期中咁好食，可能個人比較喜歡厚底，佢就係薄底，脆脆地有d似餅乾，但值得一讚係每塊pizza都有原隻大蝦，個醬都好夾好正。另外個大食拼盤都幾抵食，又有腸又有春卷又有薯條.....，仲有三款醬送埋，三個人食唔哂，名符其實夠「大食」，食到尾有少少滯tim。
總結來講，呢間舖頭都屬偏貴，但格調唔錯，充滿英倫風，又有好多得意嘢俾你睇，而且聽講呢度成日有人嚟開talk講去旅行嘅趣事，大家不妨留意下！
張貼
