更多
2013-01-17
875 瀏覽
有朋友約食飯, 話想食雞煲, 之後另一朋友就話來來啦! 好出名架, 又多人5食, 咁我地無理就約左去食, 點知...我朋友到先, 一坐落就立即不停催我地叫野食. 本來朋友想等一等我先, 但都抵擋唔全佢地既騷擾落左單. 佢話好似落遲DD會死咁... 到雞煲來到既時候, 侍應態度好差咁講: "呢個人仲未到呀?" 到朋友們叫左兩件雞, 侍應又問: 你朋友仲未到呀?! (其實當時我另外三位朋友都到齊, 只差我一個, 就算我未到, 你都唔應該咁樣騷擾我既朋友...令到我都好尷尬!)之後朋友們好醒目咁叫左6/ 7碟配料, 之後佢竟然好氣憤咁再問: 佢到底幾時到架?! 其實以上講既都係25分鐘內既事, 個人認為佢反應太過大...而且...咁你怪我份工放得遲囉!終於可以講返食物. 其實我地覺得個煲既湯底唔係咁好, 好普通既貨色. 我地叫左少辣, 見就見到D辣椒油, 只係咸. 自問唔算係一個食得辣既人, 所以先叫少辣. 但呢種少辣既程度, 對我地來講其實係唔辣. 而且麻辣味欠奉, 仲完全唔香... 不過, 雞肉就好新鮮, 而雞件既份量都夠多. 我地叫左約十碟配料. 碟碟都算新鮮, 彈係份量太少. 好多配
我朋友到先, 一坐落就立即不停催我地叫野食. 本來朋友想等一等我先, 但都抵擋唔全佢地既騷擾落左單. 佢話好似落遲DD會死咁... 到雞煲來到既時候, 侍應態度好差咁講: "呢個人仲未到呀?"
到朋友們叫左兩件雞, 侍應又問: 你朋友仲未到呀?! (其實當時我另外三位朋友都到齊, 只差我一個, 就算我未到, 你都唔應該咁樣騷擾我既朋友...令到我都好尷尬!)
之後朋友們好醒目咁叫左6/ 7碟配料, 之後佢竟然好氣憤咁再問: 佢到底幾時到架?! 其實以上講既都係25分鐘內既事, 個人認為佢反應太過大...而且...咁你怪我份工放得遲囉!
終於可以講返食物. 其實我地覺得個煲既湯底唔係咁好, 好普通既貨色. 我地叫左少辣, 見就見到D辣椒油, 只係咸. 自問唔算係一個食得辣既人, 所以先叫少辣. 但呢種少辣既程度, 對我地來講其實係唔辣. 而且麻辣味欠奉, 仲完全唔香... 不過, 雞肉就好新鮮, 而雞件既份量都夠多. 我地叫左約十碟配料. 碟碟都算新鮮, 彈係份量太少. 好多配料好似芝士腸咁, 要成$36/碟, 但係就得12條腸, 細細碟...
其間我地一路食, 其中一個侍應不停監視我地, 好似食得慢D都要受罰. 到食到六成, 佢問: 食完未呀? 你又無話幾時要交枱, 我點解要早D食完...其中有5碟配料只係食左一半, 仲烏冬都未落架大佬
去到後期, 我地仲有三個人食緊野, 佢竟然走過黎熄左我地個爐! 仲收走埋我地個水壺!! 明顯係要趕客啦!! 去到尾聲, 有一位朋友仲夾緊野食, 但呢位侍應做左D超無賴既野 - 佢將我地所有人食剩放起枱既骨頭倒晒去個煲度, 搞到果個朋友無得再食...幻真係太太太過份!!
呢度又多人, 服務離譜, 就算D野食夠新鮮, 我都唔要再返黎!
張貼
