更多
2015-11-05
4058 瀏覽
之前同朋友去了太子附近一間裝潢特色的咖啡屋餐廳，有點點台灣特色咖啡室的味道，全舖懷舊傢俬枱櫈，國旗掛畫，牆壁上鑲著原木書架書櫃裝滿旅遊書及舊書，天花吊著舊式飛機及各樣裝飾，配上暗黃燈光，帶出陣陣Vintage感覺，懷舊鄉村味濃！還記得當天是weekday日子，但都全場爆滿，我們等了10分鐘，坐在bar枱的位置，一眼望去水吧入面五光十色的霓虹裝飾，頓覺賞心悅目。因當晚和朋友都不是太鋨，所以只叫了兩杯特飲和幾樣不大heavy的食物。煎雞柳凱撒沙律雞柳煎得外脆內軟，略嫌少少乾身但可接受。羅馬生菜夠新鮮，青綠爽脆，配上大大塊的蒜麵包粒及足量的巴馬芝士，加埋Caesar醬汁，濃中帶清，濃郁醬汁配上清爽菜蔬，我最喜愛的味道。香腸拼盤因兩人關係，我們只叫了半份份量。腸仔足有五種款式，火腿腸，香草豬肉腸，牛仔腸，芝士腸，辣味腸等（其實餐牌並沒寫有那種腸，以上只憑個人味覺區分，有錯請見諒），腸仔煎得唔肥膩，配埋茄汁同芥末醬，化解了煎炸物的香口熱氣感覺。可以一次過試哂唔同口味，啱哂貪食嘅我。松子仁香草羅勒醬墨魚仔意粉Pesto醬做得很好，羅勒松子加上橄欖油嘅香味醬汁，配上意粉是絕美的搭檔。墨魚仔雖是急凍貨
之前同朋友去了太子附近一間裝潢特色的咖啡屋餐廳，有點點台灣特色咖啡室的味道，全舖懷舊傢俬枱櫈，國旗掛畫，牆壁上鑲著原木書架書櫃裝滿旅遊書及舊書，天花吊著舊式飛機及各樣裝飾，配上暗黃燈光，帶出陣陣Vintage感覺，懷舊鄉村味濃！
還記得當天是weekday日子，但都全場爆滿，我們等了10分鐘，坐在bar枱的位置，一眼望去水吧入面五光十色的霓虹裝飾，頓覺賞心悅目。因當晚和朋友都不是太鋨，所以只叫了兩杯特飲和幾樣不大heavy的食物。
煎雞柳凱撒沙律雞柳煎得外脆內軟，略嫌少少乾身但可接受。羅馬生菜夠新鮮，青綠爽脆，配上大大塊的蒜麵包粒及足量的巴馬芝士，加埋Caesar醬汁，濃中帶清，濃郁醬汁配上清爽菜蔬，我最喜愛的味道。
香腸拼盤因兩人關係，我們只叫了半份份量。腸仔足有五種款式，火腿腸，香草豬肉腸，牛仔腸，芝士腸，辣味腸等（其實餐牌並沒寫有那種腸，以上只憑個人味覺區分，有錯請見諒），腸仔煎得唔肥膩，配埋茄汁同芥末醬，化解了煎炸物的香口熱氣感覺。可以一次過試哂唔同口味，啱哂貪食嘅我。
松子仁香草羅勒醬墨魚仔意粉Pesto醬做得很好，羅勒松子加上橄欖油嘅香味醬汁，配上意粉是絕美的搭檔。墨魚仔雖是急凍貨色，但亦有被吊出僅有的鮮味；還有松子仁的畫龍點睛，增加口感之餘亦令整個Presentation更完美。
薄荷蜜瓜沙冰蜜瓜味不重，淡淡的奶香，薄荷加上沙冰，清涼加上冰涼，爽！
蘋果玫塊花茶淡淡的蘋果及玫瑰花香，清新怡人。
芒果芭菲已記不起餐牌裡是否這樣叫這甜品，但眼前甜品確實跟芭菲的做法沒兩樣。芭菲，是童年時的記憶，現在可以重溫，實在難得，芒果+雪糕+粟米片+忌廉+啫喱，在透明玻璃杯內一層層疊起，瑰麗非常。
成餐飯約$400埋單，不算便宜，但有這樣的環境氣氛，仍是值得的。
張貼
