更多
2014-01-20
600 瀏覽
當初一見到羅麥記嘅餐牌上面有一個道叫『磚頭焗豬扒飯』既採，心諗咩名堂咁犀利？一直都好想去食過究竟，今個星期日又一家大細一齊去食嘢，終於一試羅麥記首先餐廳確實唔大，座位都幾迫吓，我哋亦都等咗大概十分鐘先有位坐。服務員態度確實一般，聽到隔離枱想話要幾杯暖水，個個服務員用不屑嘅語氣話『就先攞過妳有冇人理』，跟住又行咗去。午膳時間多人實屬正常，餐廳多人代表食物好食，但係如果客人黎到得到啲咁嘅待遇，肯定對餐廳嘅印象都會大打折扣。好啦題外話唔再多講，由於其實我哋都係諗住佢新開將就黎試食一下啦，所以都毫不手軟咁嗌咗好多嘢食。其中當然有磚頭焗豬扒飯啦... ($75)豬扒肉質鬆軟，番茄醬味道香濃，哋飯亦都焗得幾軟熟，唯一可改善嘅地方：如果可以多啲番茄醬同飯就好喇，其實有1/2都係麵包，飯真係唔係好夠食，而且就算係食麵包，下面既麵包完全冇茄醬，食落就會好寡，如果可以係放飯之前落咗幾羹番茄醬先攞去焗，效果一定好好多。至於價錢..就確實係貴咗啲喇，個人認為又唔係真係咁抵食喎。不過都要佩服老闆嘅創意，磚頭焗飯確實能夠俘虜我哋呢啲為食一族嘅心媽媽嗌咗沙爹牛肉包，沙爹牛肉都唔錯。呢個飯嘅牛肉公仔麵味道無問題，但確
首先餐廳確實唔大，座位都幾迫吓，我哋亦都等咗大概十分鐘先有位坐。服務員態度確實一般，聽到隔離枱想話要幾杯暖水，個個服務員用不屑嘅語氣話『就先攞過妳有冇人理』，跟住又行咗去。午膳時間多人實屬正常，餐廳多人代表食物好食，但係如果客人黎到得到啲咁嘅待遇，肯定對餐廳嘅印象都會大打折扣。
好啦題外話唔再多講，由於其實我哋都係諗住佢新開將就黎試食一下啦，所以都毫不手軟咁嗌咗好多嘢食。
其中當然有磚頭焗豬扒飯啦... ($75)
豬扒肉質鬆軟，番茄醬味道香濃，哋飯亦都焗得幾軟熟，唯一可改善嘅地方：如果可以多啲番茄醬同飯就好喇，其實有1/2都係麵包，飯真係唔係好夠食，而且就算係食麵包，下面既麵包完全冇茄醬，食落就會好寡，如果可以係放飯之前落咗幾羹番茄醬先攞去焗，效果一定好好多。至於價錢..就確實係貴咗啲喇，個人認為又唔係真係咁抵食喎。
不過都要佩服老闆嘅創意，磚頭焗飯確實能夠俘虜我哋呢啲為食一族嘅心
媽媽嗌咗沙爹牛肉包，沙爹牛肉都唔錯。
呢個飯嘅牛肉公仔麵味道無問題，但確實無咩特別之處，賣相亦都無咩特別。
呢個粒粒紅豆冰奶茶認真要推介一下！鍾意食紅豆/飲紅豆冰同奶茶嘅人一定會鍾意呢杯嘢。紅豆凍奶茶味道好夾，而且呢度用嘅紅豆唔似得一般紅豆冰咁硬掘掘，呢度嘅紅豆係真係有濃郁嘅紅豆味，口感有點像冰凍的紅豆蓉，入面仲有兩舊巨型紅豆蓉造嘅冰塊，真係充滿紅豆味。整體嚟講呢杯嘢我比8.5分啦！題外話：呢杯飲品價價錢唔平，單點要$35,不過跟餐就平咗好多。
細路嗌咗凍朱古力飲，媽媽就要咗凍檸茶，父親大人飲熱鴛鴦，佢話呢到嘅營養掂喎～
仲嗌咗個羅記炒蛋($20),不過無影到相，因為一嚟就俾我哋講食食到唔晒。呢度嘅滑蛋確實有啲似牛奶公司果啲。仲有塊多士添。但係都係個句喇，價錢值唔值就...因人而異喇...
餐廳有啲食物確實幾有特色嘅～如果，我諗對阿爸阿媽嚟講，當懷緬一下過去都幾好嘅～始終主題餐廳嘅賣點大多數都唔會係食物嘅質素。當時吓就好喇～但係我絕對推介要試飲下佢哋嘅粒粒紅豆冰奶茶！
張貼
