更多
2014-05-18
693 瀏覽
每次經過都排滿人，條路已經迫，仲要咁多人等位，真係如非必要，我唔會黎食。是日同友人一齊黎，佢提意食麗江，ok啦，試一試佢。差唔多下午茶時段黎，人唔算太多，等九張枱。落單後約五分鐘已經有得食，高效率。叫了三味餐的第一款，腩肉，翼尖，蘿蔔，小酸辣米線。腩肉半肥瘦，雖然薄切但都有咬口嘅，有四大片。滷得入味，鹹味得黎又帶少少甜。翼尖有五隻，抵食喎，同樣滷得夠味，煮得淋，一咬啲骨就甩出黎。蘿蔔爽甜無渣，正。米線沒有過淋，掛湯不俗，倒係湯底略淡，聞落好勁酸辣味，但食係上黎又唔係，都ok嘅，下次可以試下中辣度。叫雞翼會分開上，炸雞翼，雖然沾滿紅色粉末，但唔辣嘅。加五蚊要了凍菜蜜，淡而無味，算係有杯凍野解下渴。環境勁迫，同後面枱背貼背，就算開哂風扇都係超熱，食到一身汗。如果要排隊，一定唔會黎。
是日同友人一齊黎，佢提意食麗江，ok啦，試一試佢。差唔多下午茶時段黎，人唔算太多，等九張枱。
落單後約五分鐘已經有得食，高效率。
叫了三味餐的第一款，腩肉，翼尖，蘿蔔，小酸辣米線。腩肉半肥瘦，雖然薄切但都有咬口嘅，有四大片。滷得入味，鹹味得黎又帶少少甜。
翼尖有五隻，抵食喎，同樣滷得夠味，煮得淋，一咬啲骨就甩出黎。
蘿蔔爽甜無渣，正。
米線沒有過淋，掛湯不俗，倒係湯底略淡，聞落好勁酸辣味，但食係上黎又唔係，都ok嘅，下次可以試下中辣度。
叫雞翼會分開上，炸雞翼，雖然沾滿紅色粉末，但唔辣嘅。加五蚊要了凍菜蜜，淡而無味，算係有杯凍野解下渴。
環境勁迫，同後面枱背貼背，就算開哂風扇都係超熱，食到一身汗。
如果要排隊，一定唔會黎。
張貼
