薩莉亞意式餐廳 (已搬遷) 新店位置

同朋友係中環玩之後，當然要食返個happy dinner，但係我地嫌中環太貴，所以返左天水圍銀座食薩利亞。我地兩個人叫左個水牛芝士比薩同埋一個肉醬意粉一齊share,份量岩岩好。水牛芝士比薩食落去唔算太重芝士味，清香既芝士味令人完全唔會食膩，簡直想食多個!而肉醬意粉既餡料都唔錯，濃濃既番茄味唔單止令我地胃口大開，更加刺激到我地既味蕾!另外我地每人加左$12去免費任飲水吧，一路食好食既野，一路飲冰涼既汽水，一路同好友談天說地，真係一頓快樂既晚餐!