更多
2015-06-03
396 瀏覽
屋企樓下既其中一間茶餐廳，陪屋企人食飯既好地方，好朋友吹水既聚腳地，呀叔呀伯飲酒既不二之選！其實自從搬左出去住之後就好少係呢到食飯，之前無論中午放飯又好，係屋企叫外賣又好，同屋企人食飯，朋友吹水都好，唔知點解永遠都係揀勵揚。之前呢間茶記都叫算''大''間，加有少少似大排檔，因為佢會霸埋出面Ｄ位泥做，不過近幾個月好似食環署打壓左之後就好似無得咁做，所以今次去呢到食飯，硬係覺得少左D野。咁分開堂食同外賣咁講，堂食先！咁如果下午堂食既話，佢會提供4-5個特餐比你，３０蚊左右，有飯有粉，正常都會揀得到食咩！除左特餐之外，咁當然都可以揀餐牌既野食啦，但之不過餐牌上既野食真係太多，多到揀唔到，突然會有選擇困難症！粥粉面飯樣樣齊，種類多，基本上你叫得出佢就整得出，不過就４０蚊左右！不過嫌煩煩就揀返特餐啦。午餐通常都係叫Ｄ碟頭飯或者炒粉面，基本上５—１０分鐘就送到，唔洗等好耐，味道都高質，係多油左少少！咁如果夜晚堂食既話，當然就叫小菜啦！都係啦，小菜應有盡有，叫得出就整得出！離遠聞都香噴噴，穫氣夠，味道更加係一流，價錢就８０蚊左右啦。咁我呢晚三個人食叫左三個菜，酥炸鮮魷＋沙嗲肥牛煲＋小炒皇，三樣味道都
咁分開堂食同外賣咁講，堂食先！咁如果下午堂食既話，佢會提供4-5個特餐比你，３０蚊左右，有飯有粉，正常都會揀得到食咩！除左特餐之外，咁當然都可以揀餐牌既野食啦，但之不過餐牌上既野食真係太多，多到揀唔到，突然會有選擇困難症！粥粉面飯樣樣齊，種類多，基本上你叫得出佢就整得出，不過就４０蚊左右！不過嫌煩煩就揀返特餐啦。午餐通常都係叫Ｄ碟頭飯或者炒粉面，基本上５—１０分鐘就送到，唔洗等好耐，味道都高質，係多油左少少！
咁如果夜晚堂食既話，當然就叫小菜啦！都係啦，小菜應有盡有，叫得出就整得出！離遠聞都香噴噴，穫氣夠，味道更加係一流，價錢就８０蚊左右啦。咁我呢晚三個人食叫左三個菜，酥炸鮮魷＋沙嗲肥牛煲＋小炒皇，三樣味道都幾好，份量都足，但係嫌咸左少少！
咁外賣方面就一般啦，聽電話果個態度經常都好差，叫左外賣都好似得罪左人咁！外賣時間就半粒鐘至１粒鐘，算係接受到既！不過勤大家唔好叫湯面啦，因係湯同面係唔會分開擺，如果１粒鐘先送到就真係唔知食咩好！
Overall 味道高質，份量足，抵食！只不過有一點要注意係衛生問題，可能間野算係舊同''大排檔''，比部分人既印象係污糟，當然有人覺得係風味啦，見人見智。另外地下真係好油，一下唔覺意就冼腳！
張貼