更多
2017-10-18
71 瀏覽
今日嚟到天水圍頌富商場嘅呢間九份十分食午餐，一嚟到已經見到好多人喺現場喇！聽講佢嘅食物係類似茶木嘅食物，我入到去見到環境認真唔錯，所有嘅位置望落都好舒適，我揀咗一個靠牆邊嘅位置。除咗環境優雅舒適，服務員嘅服務態度更加係一流，佢哋一直都顧及住客人嘅需要並且超有禮貌咁樣招待我哋。喺客人仲未點嘢食嘅時，佢哋會耐心等候，唔會催促，而且仲會為我哋介紹一啲佢哋店嘅特色食物，好鍾意呢間餐廳呀！因為午餐時段，我同朋友呢就一齊揀咗一個萬巒豬手飯配一個台南魚丸湯，一上枱就發現呢個萬巒豬手飯嘅份量真係好多喎！真係可以同朋友share都冇問題！呢間店嘅豬手真心唔錯！ 本身以為豬手咁大舊應該會好難咬，點知原來唔係，佢嘅肉煲得好林，好容易咬開，而且味道好適中，又唔喊又唔淡，中有少少份量嘅菜，菜嘅味道好好味，酸酸地㗎，所以當食得太多份量嘅豬手嘅時候，酸酸地嘅菜可以 解下腻。呢個就係台南魚丸湯係配埋一個餐嘅。其實佢有四粒魚丸嘅但係小編食咗兩粒先醒起要影相 所以得返兩粒喇 呢個湯呢味道清甜，而且 仲有蔥花嘅配搭！我幾中意飲我仲叫咗呢個台灣嘅鹽酥雞！呢個雞呢其實幾特別嘅份量好多，佢嘅特別之處 就係有六種唔同味道嘅調味粉
除咗環境優雅舒適，服務員嘅服務態度更加係一流，佢哋一直都顧及住客人嘅需要並且超有禮貌咁樣招待我哋。喺客人仲未點嘢食嘅時，佢哋會耐心等候，唔會催促，而且仲會為我哋介紹一啲佢哋店嘅特色食物，好鍾意呢間餐廳呀！
因為午餐時段，我同朋友呢就一齊揀咗一個萬巒豬手飯配一個台南魚丸湯，一上枱就發現呢個萬巒豬手飯嘅份量真係好多喎！真係可以同朋友share都冇問題！呢間店嘅豬手真心唔錯！ 本身以為豬手咁大舊應該會好難咬，點知原來唔係，佢嘅肉煲得好林，好容易咬開，而且味道好適中，又唔喊又唔淡，中有少少份量嘅菜，菜嘅味道好好味，酸酸地㗎，所以當食得太多份量嘅豬手嘅時候，酸酸地嘅菜可以 解下腻。
呢個就係台南魚丸湯係配埋一個餐嘅。其實佢有四粒魚丸嘅但係小編食咗兩粒先醒起要影相 所以得返兩粒喇 呢個湯呢味道清甜，而且 仲有蔥花嘅配搭！我幾中意飲
我仲叫咗呢個台灣嘅鹽酥雞！呢個雞呢其實幾特別嘅份量好多，佢嘅特別之處 就係有六種唔同味道嘅調味粉，包括有芝士味喇，原味，香辣味，紫菜味，梅子味同埋咖哩味，所有味都一次過拎上嚟，你就可以鐘意是邊隻就簡邊隻，小編當然係試哂所有味啦！隻隻都好好味！ 同香脆鹽酥雞真係好相配！
古早醉雞, 佢嘅肉質鮮味，結實， 配埋陣陣香濃嘅酒味 ，未食都已經覺得自己醉喇😂 不過佢嘅味道都幾吸引，我並唔抗拒呢種酒味， 小編同朋友都好喜好呢一道菜。 佢仲配埋少少嘅木耳同埋清甜嘅杞子， 顏色配搭好睇之餘亦都令到醉雞更加好味！
老虎醬鴨舌係一碟細細碟嘅小食，賣相望落去呢係好吸引 好多汁好juicy咁。我聞到已經流曬口水其實呢呢個鴨舌呢就好柔軟嘅，一啲都唔難咬 ，佢有啲辣， 配埋飯食真係好惹味 ，下次再去食呢個都係我嘅首選之一。
酒醉一口吉品鮑魚有八隻，呢碟菜都係有酒香味 ，八隻精緻嘅鮑魚舖喺木耳上面，仲有幾粒好可愛嘅杞子做裝飾， 鮑魚肉質柔軟煲得好林。今次都係我第一次嘗試鮑魚配酒， 但係呢一種配搭唔差，好滋味。
值得一提嘅係佢嘅珍珠奶茶，我點咗胚芽珍珠奶茶，奶味茶味都好足。 最重要嘅係佢嘅珍珠好煙韌，而且size中中等等， 唔會太大都唔會太細而且份量好多 ！飲嘅時候成口都係珍珠好滿足！真心唔錯！
朋友叫咗個暗黑系oreo曲奇沙冰，超大杯 ，飲料上面有住一棟高高嘅沙冰上面仲有一粒好得意嘅曲奇。朋友表示呢杯嘢好好味 係炎炎嘅夏日飲真係又解渴又清涼。
張貼
