更多
2016-05-25
851 瀏覽
家陣食餐自助餐，動輒要六七百蚊，如果一家大細去食，都幾係嘢。明白到有些朋友的負擔能力，咁今次就講下平民化的自助餐，如銅鑼灣維景，只需四字頭，大部份信用卡都有八五折，已包紅白酒及砵酒任飲，嗜酒的之徙，應該會巧開心。話時話，筆者對上一次來，已經是四年多前既事，當年是公司的聖誕聚餐，猶記得，當時的選擇沒現在的豐富，至少沒有麵包蟹吧！對，凍海鮮一欄，除了基本的長腳蟹、青口、蝦及小龍蝦等，依家真係有麵包蟹食。而且，我當日有食神，嚐到的那隻，多羔到不得了，膽固醇超標萬歲。咸香的火腿，從來逃不出我的五指山，與他的元配哈密瓜齊齊放入口，再呷口砵酒，果真合拍。熱食其實更吸引，因為既有燒蠔燒蝦，仲有多羔的炸軟殼蟹，燒得鬆化的澳洲和牛，同埋萬惡之首，煎鵝肝多士。真係要幾邪惡，有幾邪惡。配紅配白，悉隨專便。還有些中式的小炒，海鮮炒翠肉瓜，酸甜最岩鬼佬食的咕嚕雞球，鬆化的紅酒燴牛尾，以及咖喱等，款式都唔少。沒錯，甜品前，要來點芝士。由於是晚太邪惡，還是專攻些平易近人的Emmental、Edam，配上美酒，同樣享受。甜品有椰撻、鮮果撻、啫喱等，但我卻鍾情於芝士蛋糕，硬身濃香的紐約芝士餅、軟芝士蛋糕，以及大眾愛戴的
明白到有些朋友的負擔能力，咁今次就講下平民化的自助餐，如銅鑼灣維景，只需四字頭，大部份信用卡都有八五折，已包紅白酒及砵酒任飲，嗜酒的之徙，應該會巧開心。
話時話，筆者對上一次來，已經是四年多前既事，當年是公司的聖誕聚餐，猶記得，當時的選擇沒現在的豐富，至少沒有麵包蟹吧！
對，凍海鮮一欄，除了基本的長腳蟹、青口、蝦及小龍蝦等，依家真係有麵包蟹食。而且，我當日有食神，嚐到的那隻，多羔到不得了，膽固醇超標萬歲。
咸香的火腿，從來逃不出我的五指山，與他的元配哈密瓜齊齊放入口，再呷口砵酒，果真合拍。
熱食其實更吸引，因為既有燒蠔燒蝦，仲有多羔的炸軟殼蟹，燒得鬆化的澳洲和牛，同埋萬惡之首，煎鵝肝多士。真係要幾邪惡，有幾邪惡。配紅配白，悉隨專便。
還有些中式的小炒，海鮮炒翠肉瓜，酸甜最岩鬼佬食的咕嚕雞球，鬆化的紅酒燴牛尾，以及咖喱等，款式都唔少。
沒錯，甜品前，要來點芝士。由於是晚太邪惡，還是專攻些平易近人的Emmental、Edam，配上美酒，同樣享受。
甜品有椰撻、鮮果撻、啫喱等，但我卻鍾情於芝士蛋糕，硬身濃香的紐約芝士餅、軟芝士蛋糕，以及大眾愛戴的提拉米蘇，全也不放過，味道算是合格。
賣點賣點，雪糕是哈根大師的出品，是回本位吧！
連續兩晚Buffet，要沖杯熱檸茶消消滯。
如說選擇勁多水準超高，就呃你的。但咁既價錢，包埋紅白酒任飲，仲想點？
張貼
