更多
2012-10-16
373 瀏覽
半年搞一轉嘅兄弟部大飯局,日子約定晒,雖然唔齊人,都有9個好兄弟撐場,不嬲去開「飯堂」長沙灣新星打鞭爐,今趟有兄弟喺人民力量嘅擁躉,建議去大角咀嘅靚煲皇,姑勿論咩政治立場,飲飲食食嘅嘢,無分你我,我哋依班70後麻甩,相識廿幾載,飲飲食食,嘻嘻哈哈,總之就友誼第一,以前就踢波第二,講政治?變咗第二啩?靚煲皇地鋪好細,而外間天氣仲喺「熱死嘞嘞」,所以被安排坐樓上,地方大好多之餘,樓底又夠高,冷氣甚足,唔會食到一身汗。不過訂位出現「蝦碌」,原本訂咗星期五晚,但唔知點解接電話個阿姐聽咗喺星期六,都唔知喺我講錯定佢聽錯,總之好彩今晚唔多人,照樣安排到張大長枱俾我哋,否則小弟失職之餘,又掃班大家嘅雅興。依班老細更有人例遲,所以都叫住一個鍋打住先,湯底都幾多選擇,就要個正宗澳門豬骨煲先(例牌$108),貪佢裡面多料,大大件豬軟骨,又有粟米蘿蔔,雖然喺例牌,其實已經一大鍋,不過趁個鍋未滾起,混混醬先。一個八角形透明「五味架」,有金銀蒜、蔥粒、芫茜、辣椒碎,選擇少,只喺唔使錢免費任添。後尾人齊啲就再加多個鴛鴦鍋($68):飄香沙嗲搭皮蛋芫茜,個沙嗲鍋確喺幾香,有水準。雖然安排咗鋪尾三張摺枱過我哋,其實擺
靚煲皇地鋪好細,而外間天氣仲喺「熱死嘞嘞」,所以被安排坐樓上,地方大好多之餘,樓底又夠高,冷氣甚足,唔會食到一身汗。不過訂位出現「蝦碌」,原本訂咗星期五晚,但唔知點解接電話個阿姐聽咗喺星期六,都唔知喺我講錯定佢聽錯,總之好彩今晚唔多人,照樣安排到張大長枱俾我哋,否則小弟失職之餘,又掃班大家嘅雅興。 依班老細更有人例遲,所以都叫住一個鍋打住先,湯底都幾多選擇,就要個正宗澳門豬骨煲先(例牌$108),貪佢裡面多料,大大件豬軟骨,又有粟米蘿蔔,雖然喺例牌,其實已經一大鍋,不過趁個鍋未滾起,混混醬先。一個八角形透明「五味架」,有金銀蒜、蔥粒、芫茜、辣椒碎,選擇少,只喺唔使錢免費任添。後尾人齊啲就再加多個鴛鴦鍋($68):飄香沙嗲搭皮蛋芫茜,個沙嗲鍋確喺幾香,有水準。 雖然安排咗鋪尾三張摺枱過我哋,其實擺咗兩個爐,放埋啲碗筷、汽水,剩番唔多位,所以我哋都喺邊食邊叫。我都唔記得點咗幾多嘢,掛住食又唔記得影,影得嚟隨時無得食,你知喇,9個麻甩佬自不然幾擦得吓,大家咁老死,就更加唔會你讓我讓咁淒媽,所以只好盡量影又盡量食,哈哈。睇番啲相加埋少少記憶,大概點過食過鮮雲吞、手打魚滑、四寶丸、花枝片、本地肥牛、響鈴、什菌、牛柏葉、脆鯇片、竹笙、龍蝦丸、手切肥牛、香菇貢丸、豬面青、手打蟹籽鮮蝦丸、油麥菜、生菜……等等。
今勻唔逐樣評喇,講整體啦,基本上啲肉類同海產幾新鮮,好似肥牛、花枝片、脆鯇片、手打魚滑,頗鮮味,用料不賴,不過肥牛偏貴,因為份量稍為少。 相反,丸唔喺好得,四寶丸、龍蝦丸、香菇貢丸抑或手打蟹籽鮮蝦丸都好麻麻哋,好雪實實嘅死樣,食完都無乜印象。其他嘅,不過不失咁啦! 汽水啤酒逐罐計,我諗我哋都飲咗唔少,成晚流流長食咗幾粒鐘,酒水數都好襟計。不過,大家工作忙碌又各有家庭,有個死黨仲喺晌深圳打工,趕落嚟之餘食完仲要搭番皇崗通宵車上去,真喺好難得嘅只講政治而完全無政治嘅飯局,大家咁老死,點可以唔繼續搞落去丫!不過,下次唔知會唔會又去返「飯堂」打呢?
張貼