更多
2017-07-18
1006 瀏覽
行開澳海城,本來想係裡面食埋晚飯,但揀來揀都唔啱,就行多幾條街去另一個商場搵食.因為貪佢有我中意食既片皮鴨同生菜包.入到去,客人非常少,成日好好奇其實依種酒樓點圍皮.點菜阿姐非常賣力,不停推銷餸菜,但咁啱都唔係我喜好既食物.最後叫左片皮鴨,生菜包同埋面包蟹.好快就來左個饅頭...但係無叫過喎.呢度既餐前小食有魚皮花生同埋蠶豆,開正我果飯.幾分鐘後片皮鴨出來喇.淨係講速度既話,阿姐刀功如神.不停切不停切,沒有一絲猶豫,但求最快時間切完一隻鴨,所以片出來既皮大細/厚薄不一.反正片皮鴨我中意連肉食,無所謂.切果陣每刀都有脆皮切開既聲,聽落就知皮仲好脆,而且仲會見到有油滲出.用來包鴨既薄餅邊位都有卷起,可以輕易同下面果塊分開.點解咁簡單既事好多其他酒樓都做唔到...包起食落,真係甘香架!皮脆,油脂足但係唔油膩,好味.隻鴨一推返入廚房,生菜鴨鬆包2分鐘就出到來,估計唔係用同一隻鴨.更加令我確信係因為鴨肉都幾嚡而且無乜油份,都唔似係枱上既片皮鴨.而且生菜實在太細塊,雖然一開始都唔係預人完全包起鴨肉,而係當一隻碗仔咁食,但就算放一小羹鴨肉上去都好困難喎.鴨肉既份量好多,而生菜細塊,食晒生菜後都仲淨返
14 瀏覽
0 讚好
0 留言
北京片皮鴨
23 瀏覽
0 讚好
0 留言
幾分鐘後片皮鴨出來喇.淨係講速度既話,阿姐刀功如神.不停切不停切,沒有一絲猶豫,但求最快時間切完一隻鴨,所以片出來既皮大細/厚薄不一.反正片皮鴨我中意連肉食,無所謂.切果陣每刀都有脆皮切開既聲,聽落就知皮仲好脆,而且仲會見到有油滲出.用來包鴨既薄餅邊位都有卷起,可以輕易同下面果塊分開.點解咁簡單既事好多其他酒樓都做唔到...包起食落,真係甘香架!皮脆,油脂足但係唔油膩,好味.
生菜鴨鬆包
17 瀏覽
0 讚好
0 留言
隻鴨一推返入廚房,生菜鴨鬆包2分鐘就出到來,估計唔係用同一隻鴨.更加令我確信係因為鴨肉都幾嚡而且無乜油份,都唔似係枱上既片皮鴨.而且生菜實在太細塊,雖然一開始都唔係預人完全包起鴨肉,而係當一隻碗仔咁食,但就算放一小羹鴨肉上去都好困難喎.鴨肉既份量好多,而生菜細塊,食晒生菜後都仲淨返細半碟鴨肉.
薑蔥粉絲焗麵包蟹
12 瀏覽
0 讚好
0 留言
依一刻其實已經飽飽滯滯,依個時候面包蟹終於到喇.先唔理隻蟹,因為我唔太識食,最後大部份都係由朋友搞掂.隻蟹拎起之後,有成大半煲粉絲係下面,但係好乾,蟹味又入唔到粉絲,只可以當乾身既白面來食.好彩裡面夾雜咗大量既葱,味道先唔至於太寡.蟹幾新鮮,食落都鮮甜,因為用左好多葱去焗,所以香味逼晒去隻蟹度.雖然好味,但係感覺同一般蟹差唔多喎,咁係咪叫面包蟹都無所謂啦.
張貼
