新星海鮮酒家 (已結業)

同公司同事飲茶，黎黎去去都係附近嗰幾間，佢地開始覺得悶，所以就提議行遠少少，試吓鵝頸橋底o既「新星海鮮酒家」，因見門外廣告牌上午市都好多特價菜式及套餐優惠 。「新星」係一間好典型o既港式酒樓，地下為接待處，行上樓梯則為餐店大堂。午飯時間，散座o既食客大多都一邊嘆茶，一邊睇報紙，店內工作o既都似乎係老伙計，健談又熟練。會計小姐同靚仔經理一早到步，叫好點心，似乎亦已同幾位樓面叔叔做咗好朋友添 。 椒鹽魷魚鬚：魷魚鬚炸得好香脆惹味，最緊要係唔會食到成口油，大大碟二十蚊有找，淨睇份量都覺得抵食 ！ 原蝦燒賣皇（$17.9）：燒賣味道較清，明顯地蝦膠比肥豬肉多，食落爽口健康，但個人都係鍾意食返傳統嗰隻多啲。 荷香棉花雞（$17.9）：棉花雞則較咸，幸好雞胸肉唔嚡又唔乾，睇在價錢份上都算係合格 。 韭黃鮮蝦腸（$18.9）：蝦腸係幾款點心中最好味o既一款，腸粉軟滑，蝦隻爽脆，獨立分成細細件，更方便客人食用，絕對係必吃之選 ！ 瑞士汁肥牛炒河（$39.9）：河粉轉用上瑞士汁及肥牛炒製，可以話係乾炒牛河o既升級版 。用咗瑞士汁炒o既牛河乾身、軟滑、甜美，加上薄薄o既肥牛肉味香濃，