更多
2015-03-01
610 瀏覽
同家姐友人三個入到黎大埔，都好多野食喎，揀左黎OPPA食韓燒。五點幾黎到，嘩！無人嘅！第一枱客，安排左坐沙發位，張沙發好淋唔好坐，不過有得"唉"都好。有大電視同抽氣管，後黎全場滿坐都唔勁油煙味。另外呢個特制燒盤，微微傾斜，一陣就知有咩用。枱上有麥茶一壺，生菜，另外坐低後會送上醬料，小食：芽菜，泡菜，海帶。不知道有無得refill，我見茶飲哂同泡菜食完，但啲伙計無動於衷，唔叫飲品就會無野得飲？先叫三樣野黎燒，粟米($48/6pcs)，豬頸肉($98/150g)，安格斯肉眼扒($148/250g)。好，開始燒！啲油咋咋聲，聞到肉香味了。友人架輕就熟，嗱嗱林已剪開塊扒，流哂口水啦。燒得甘香，啱啱熟得黎仲好有肉汁，牛味甚濃，好正。另外豬頸肉同樣肥美，燒到少少焦，又係好正，包塊生菜食無咁漏。燒到咁上下，啲蛋食得啦，入面落左切碎左嘅泡菜，少少辣，啲蛋熟得剛好，好滑，又幾好味喎。P.S. refill一次蛋漿要$18。除左燒，仲叫左啲其他野食，牛肉石窩伴飯($98)，宮廷炒年糕/辛辣($88)，泡菜煎餅($68)。石窩飯，賣相靚，幾多料，整爛隻生蛋快速攪混先，有少少飯焦，味唔錯吖。年糕煮得夠軟身，醬
有大電視同抽氣管，後黎全場滿坐都唔勁油煙味。另外呢個特制燒盤，微微傾斜，一陣就知有咩用。
枱上有麥茶一壺，生菜，另外坐低後會送上醬料，小食：芽菜，泡菜，海帶。不知道有無得refill，我見茶飲哂同泡菜食完，但啲伙計無動於衷，唔叫飲品就會無野得飲？
先叫三樣野黎燒，粟米($48/6pcs)，豬頸肉($98/150g)，安格斯肉眼扒($148/250g)。
好，開始燒！啲油咋咋聲，聞到肉香味了。友人架輕就熟，嗱嗱林已剪開塊扒，流哂口水啦。
燒得甘香，啱啱熟得黎仲好有肉汁，牛味甚濃，好正。另外豬頸肉同樣肥美，燒到少少焦，又係好正，包塊生菜食無咁漏。
燒到咁上下，啲蛋食得啦，入面落左切碎左嘅泡菜，少少辣，啲蛋熟得剛好，好滑，又幾好味喎。P.S. refill一次蛋漿要$18。
除左燒，仲叫左啲其他野食，牛肉石窩伴飯($98)，宮廷炒年糕/辛辣($88)，泡菜煎餅($68)。石窩飯，賣相靚，幾多料，整爛隻生蛋快速攪混先，有少少飯焦，味唔錯吖。
年糕煮得夠軟身，醬汁夠哂多，唔少泡菜，食到底都幾辣，呢個值得encore。
泡菜餅，完全唔掂，無泡菜亦無泡菜味，超油，好似成塊跌左落油到炸咁，除左食到一口油之外咩都食唔到，一定唔再叫呢個。
全晚除左落單完全無伙計理過我地，好嘅係無人煩，好彩啲野唔難燒，自己都攪得掂。除左個泡菜餅，其他都好食，價錢ok，都會有下次嘅！
張貼
