更多
2016-04-28
1126 瀏覽
剛開業不久既西餐廳，行中高檔路線，試過多間大埔類似既餐廳，Munch Now 算係坐得最舒服、氣氛最好既一間喇。裝修既顏色、燈光、擺設、佈局既協調性都較高，環境比到種好 warm 既感覺，舒服。香港吋金呎土，租金越升越不合理，所以舖面較細，枱櫈都要細一點。幸好餐具碗碟不是誇張地巨形，能夠同時放到兩個 main course、兩碗湯連個麵包籃都尚可接受，但想放多碟小食就有點困難喇，有點屈質。酒牌還在處理中，所以暫無酒精飲品供應呢，不過餐廳都好識做，歡迎自擄紅白酒、香檳、whisky 用餐，暫不收取任何開瓶費。可能初開業既關係，侍應們顯得有點生手，要落下苦功先得喇。跟瑪雅妹妹遲來的飯局，好好享受美食吧。今晚有新鮮生蠔供應喎，兩款法國、一款韓國，我都未試過韓國出產既生蠔，一定要試試。Main course 真係好多選擇，雞牛羊豬、意粉、risotto、pizza、等等，好多野想試、好多野想食，點算好？意想不到有即焗 pizza 供應，聽見都口水流 ﹗隔離枱 order 左我最喜歡既即烤薄脆餅底 pizza，引死人咩，下次一定要試，依度仲要有 margherita pizza，我的至愛，正 ﹗
幸好餐具碗碟不是誇張地巨形，能夠同時放到兩個 main course、兩碗湯連個麵包籃都尚可接受，但想放多碟小食就有點困難喇，有點屈質。酒牌還在處理中，所以暫無酒精飲品供應呢，不過餐廳都好識做，歡迎自擄紅白酒、香檳、whisky 用餐，暫不收取任何開瓶費。可能初開業既關係，侍應們顯得有點生手，要落下苦功先得喇。跟瑪雅妹妹遲來的飯局，好好享受美食吧。
今晚有新鮮生蠔供應喎，兩款法國、一款韓國，我都未試過韓國出產既生蠔，一定要試試。Main course 真係好多選擇，雞牛羊豬、意粉、risotto、pizza、等等，好多野想試、好多野想食，點算好？意想不到有即焗 pizza 供應，聽見都口水流 ﹗隔離枱 order 左我最喜歡既即烤薄脆餅底 pizza，引死人咩，下次一定要試，依度仲要有 margherita pizza，我的至愛，正 ﹗
我對連鎖店或快餐店出品既 pizza 非常抗拒，因為質量參差，大多唔好食呢 ﹗頭盤 menu 有點悶，普通沙律，又係火腿，而鵝肝蜜餞蘋果以前食過，今晚又無 crab cake 食，諗諗先。Munch 有生蠔供應，Good ﹗
韓國生蠔，上枱喇，即刻聞到鮮蠔既味道 ﹗咁大個仔第一次食韓國蠔，真係有驚喜喎 ﹗比想像中好得多，海水味不重，味道好清新帶生蠔鮮味，隱惹有點青瓜香氣，肥美而質感爽口，值得推介，下次會再 encore ﹗
法國生蠔，依隻法國蠔跟韓國蠔相比下有點失色，肉質偏瘦，咬落 creamy，海水味稍濃而帶鮮，都好食。但今晚係韓國勝出，恭喜呀 ﹗生蠔加幾滴鮮檸檬就已經可以提升食味，正到不得了 ﹗如果能夠體貼一點，用紗布包住檸檬，檸汁唔會周圍飛就更加好喇。
煎鵝肝配蜜餞蘋果，作為頭盤份量還可以。鵝肝煎得外脆而裡面軟棉棉，不過鵝肝不是特別肥美油潤，算滿意。如果能夠淋上一個濕潤而酸酸甜甜既汁就更好，會生色不少、味道更豐富 ﹗蜜餞蘋果粉口帶果香，雖然本人不喜歡食甜，但依道菜可以再甜一點，現在有點暗淡無光既感覺，一試無妨。以前層經係另一餐廳食過，演繹得比較出色。
忌廉蘑菇湯，中途食食下突然諗起個晚餐欠個湯喎，唔夠完美，處女座特質。不幸地今晚只有一款餐湯提供，無緊要。依個湯不了 ﹗超水準既演繹，雖然看似簡單又普通既忌廉蘑菇湯，不過打得非常幼滑，半點粗鞋感覺都沒有 ﹗厚薄恰到好處，菇味香濃而芳香，忌廉跟蘑菇味道十分平衡，而且溫度剛好燙口，係最好飲，最正既時候 ﹗忌廉蘑菇湯配煎鵝肝配蜜餞蘋果，硬係覺得唔多襯囉。
餐包，我不是馬虎的餐包，真的嗎？暖暖的包包，包皮略脆而帶濃郁麵包麥香，塗上牛油微微溶化繼而滲入麵包之中，我都認唔住成隻食晒呀，仲要有添食既衝動 ﹗
紅酒燴羊膝，非食不可 ﹗Lucky 點中好野，大力推介 ﹗好食到連隻碟都想吞埋落肚啊，連汁連肉食清光，乾乾淨淨，隻碟完全空空如也立立令。聞到陣陣酒香跟羊肉香味混和，芬芳氣味拍打著腦袋。羊膝份量十足，肉味濃厚又散發出淺淺羊羶味。慢煮使到肉質濕潤而嫩滑，十分軟塾入味，腍得黎又不失趙口，輕輕溫柔地切開已完全離骨。
我鍾意用幼滑薯蓉包住羊肉一齊食，口感同味道更加豐富，昇華極致，而且兩者異常地配合，勁好味呀 ﹗特大呎碼羊膝、軟棉羊肉、濃郁紅酒汁、幼滑薯蓉，再配上鮮甜多汁脆肉瓜，熱辣辣送到，紅酒汁香味撲鼻，外觀吸引，色香味美，無得彈 ﹗
碳燒安格斯牛柳 5 成熟 250 gms，好厚啊，so huge ﹗我一向食牛都只係 3 成，不過牛柳特別厚仲要用碳燒，怕裡面唔夠熱呢。安格斯肉眼或安格斯西冷都經常食，但特厚牛柳就較為少喇。第一眼望見佢既時間已經有觸電感覺，好巨形啊 ﹗又大又厚既牛柳，送到時已聞到好香碳燒香味，籠罩著四周。輕輕按一按，好有彈性喎，賣相討好，色澤鮮明，我唔客氣喇。
即時中間鋸開驗一驗是否準確 5 成熟先，顏色程鮮嫩紅色，肉汁豐富到不斷流出，牛肉味非常濃郁，調味有點重手而略咸，輕返少少就更好啦。口感濕潤，鬆軟而帶嚼勁，唔錯。因為碳燒較難掌握，邊位少不免有點過熟微燶，理解的。伴碟燒菜都一絲不苟，爽甜美味。
韓國生蠔
14 瀏覽
0 讚好
0 留言
法國生蠔
16 瀏覽
0 讚好
0 留言
煎鵝肝配蜜餞蘋果
15 瀏覽
0 讚好
0 留言
忌廉蘑菇湯
14 瀏覽
0 讚好
0 留言
忌廉蘑菇湯配煎鵝肝配蜜餞蘋果
11 瀏覽
0 讚好
0 留言
餐包
10 瀏覽
0 讚好
0 留言
紅酒燴羊膝
9 瀏覽
0 讚好
0 留言
紅酒燴羊膝
10 瀏覽
0 讚好
0 留言
碳燒安格斯牛柳 5 成熟
12 瀏覽
0 讚好
0 留言
碳燒安格斯牛柳 5 成熟
10 瀏覽
0 讚好
0 留言
33 瀏覽
0 讚好
0 留言
張貼
