蔡潤記

營業中

休息中

因為要去一田買野，所以有機會入去大埔，於是就問定朋友有咩好食啦，朋友就話有間野好出名，好多人，好有歷史，於是就黎試下。間野叫蔡潤記，晌一條唔起眼的巷仔，都唔易搵。去到坐低，果然係舊式店鋪，內部裝修好舊，但大約有五十個位（因為全部係圓枱要搭枱）麵位由二位女仕負責，反而男仕就寫單。佢話自己馳名魚蛋同埋牛腩，咁就一於試下魚蛋牛腩河啦。順便加多個汔水（聽朋友講話有奶茶…可能佢記錯啦）呢度煮野唔快，份量亦不多，魚蛋係細細粒果啲，咬落去無乜魚味，又唔彈牙，牛腩唔稔又唔香，最慘係佢個湯底，除左豉油水之外真係咩味都食唔到….實在睇唔到有咩咁突出，唯一好處係平（但又唔係超平）…只此一次，下不為例。