芝脆雞 (已結業)

今曰為食兼大食的安迪提議叫芝脆雞的外賣Pizza作為午餐，在每星期優惠畤段買一送一，一百三十八元便有兩盒唔同囗味薄餅，每個分為八件，四個人分每人最少可以吃到三至四件，每論幾大食都足以餵飽你，剩下的重可以和其它同事分享，真係非常化算！ 分別柯打一客千島熱情海鮮 和啖啖肉 Pizza，兩客都要厚批底，因為比較能飽肚，落單後三十分鐘便送到，店方又要時間焗又要安排運送，服務都算幾快手，送抵時依然能保持熱度，如果冷卻了食味難免受影響。千島熱情海鮮 Pizza餡料有蟹柳、魷魚、蠔仔、蝦仁、青椒、菠蘿片等，加上大量芝士來焗，好多餡料味道相當不錯，不是Pizza Hut 吃慣了千篇一律的味道，帶來一點新鮮感。啖啖肉 Pizza這個批名符其實的啖啖肉，topping 佈滿牛肉粒、火腿片、辣肉腸及芝士，烤過的肉粒極香濃，加上熱辣辣的芝士香味，感覺非常對胃囗。以一百三十八蚊可以吃到兩個大厚批，每個切成八件，總共有十六件，一件平均唔需要十蚊，足夠四個人同吃，餘下還可給其它同事淺嚐，名符其實大件夾抵食，味道又唔錯，大家不妨試下。