松本日本料理餐廳 (已結業)

我今日同媽咪去左一間日式料理餐廳食午餐*媽咪話見到人地食個d便當好似好多野好好味咁...跟住我地就叫黎試下啦...我就叫左個餃子便當,媽咪就食牛扒便當!嘩!原來真係好多野食wor!!我個便當除左餃子之外...另外仲有中華沙律`蟹子沙律`三文魚,麵豉湯同埋一大碗白飯!點知原來仲有一杯豆漿送!!我覺得真係好抵食!好抵牙!!!我一望到d餃子已經好開心,因為係金黃色嫁*我知道自己冇叫錯!之後我食落去覺得好脆口好香!試下食媽咪個d牛扒`都好好味wor*便當既其他配菜我都覺得好好味*三文魚好新鮮!其實個便當都幾大個,我媽咪食唔曬!好彩我平時都幾大食!可以幫佢食埋!總括黎講...呢間餐廳俾我感覺好清潔*效率都好快!食物都好好味!以一個咁便宜既價錢,得到一份咁豐富既便當做午餐!真係好抵!