更多
2011-03-20
108 瀏覽
早年試過太子分店，真係好差好唔惦，服務、環境、食物都未能逹標，所以一直以來對小肥牛印象唔多好 ~ 之後又試過尖沙咀係地牢既分店，地方唔算大，長方形格局，有電視睇，仲有幾間 VIP 房，枱櫈密度可接受，中間有條大大既通道可行。可能地牢係無窗關係，大廰都好嘈吓，完全傾唔到計，要好大聲講野先得。但係服務出奇地好喎，個個阿姐都面帶笑容又殷勤細心，難得難得。不過食物就太一般喇，暫時最滿意既出品仍然係大埔分店 ~ 但服務就尖咀分店依度出眾啲 ~ 大埔開分店，一試難忘，火鍋料新鮮、湯底足料無欺場，選擇多，有刺生又有其他較特別食材，好滿意 ~ 但係今次出品跌晒水準，有點失望 ~ 不過侍應阿姐表現親切，還主動提點我地得兩個人可以每款叫半份，咁可以食多幾樣野囉，讚 ﹗謝謝。火焰醉蟹牛柳粒鍋，想試啲特別野，次次唔係雞就魚，一係清湯加沙嗲有啲悶，最後決定試吓小肥牛既招牌火焰醉蟹牛柳粒鍋啦。Waitress 妹妹過黎 serve 我地，向放左酒既牛、蟹君什菜點火，炒一陣，等啲酒精燒晒後就放湯等佢滾喇。試一試，牛同蟹既味都唔太出，反而最濃既係冬瓜味。牛柳粒，有趙口，又未至放話好靭，但係酒味好濃，就算烚左好耐，臨走
大埔開分店，一試難忘，火鍋料新鮮、湯底足料無欺場，選擇多，有刺生又有其他較特別食材，好滿意 ~ 但係今次出品跌晒水準，有點失望 ~ 不過侍應阿姐表現親切，還主動提點我地得兩個人可以每款叫半份，咁可以食多幾樣野囉，讚 ﹗謝謝。
火焰醉蟹牛柳粒鍋，想試啲特別野，次次唔係雞就魚，一係清湯加沙嗲有啲悶，最後決定試吓小肥牛既招牌火焰醉蟹牛柳粒鍋啦。Waitress 妹妹過黎 serve 我地，向放左酒既牛、蟹君什菜點火，炒一陣，等啲酒精燒晒後就放湯等佢滾喇。試一試，牛同蟹既味都唔太出，反而最濃既係冬瓜味。牛柳粒，有趙口，又未至放話好靭，但係酒味好濃，就算烚左好耐，臨走再試，都係然濃烈。蟹肉有啲梅，唔多新鮮，而且好細隻，所以個湯咪無蟹味囉。
手切頂級肥牛，賣相好靚，一睇就知係真正既手切牛，但未見雪花。上次去尖咀間小肥牛，夠膽食搵啲機切既扮手切，離晒譜。見啲顏色依然鮮紅，代表味道仲未夠濃、仲未夠甜。掉落水拖兩拖，一試都唔錯，牛味夠又嫰滑，滿意啦。
鮀鳥肉，肉質嫰滑美味又健康，含高量的多元不飽和脂肪酸，對心臟有益，又有豐富鐵質比牛肉更多。
脆鯇片，唔夠脆喎，仲有啲鞋添，味道帶腥。
鮮蝦滑，發現裡面有啲結冰，雪到入晒雪，一來解凍不足，不來不是即日鮮。蝦膠夠膠，放入蝦粒可令口感更豐富，鮮蝦滑彈牙爽口，好味道。猜成球狀放係杯裡面不易處理，雪到較乾唔夠黏，如果鋪平係碟上面會較為容易片落火鍋中。
鮮四寶丸，有牛、豬、墨魚及鯪魚，我最喜愛既鮮打丸，但依度每款丸都一般，尤其鮮墨丸好假，口感硬實。沒有手打丸應有既鮮味同彈牙口感，味道還可以。
雞子，美味可口既雞子，如果先用花雕浸過，會更好食。坊間成日話已形補營，又話壯陽，其實只不過係蛋白質黎之麻，咁有效的話啲人就唔洗食偉哥、食春藥啦。
桂花蚌，今次好削，唔多掂，鞋口，唔鮮唔滑唔爽，今日失晒水準。
美國桶蠔，打邊爐我較喜歡美國桶蠔，貪佢味夠鮮濃、夠大、又實淨，但今次洗到爛晒，搞到大量蠔汁同蛋白質流失，有點失色，不過好采依然美味。
竹笙，爽嫰美味，吸晒所有既精華，正呀。
張貼
