更多
2014-08-07
616 瀏覽
波羅冰沙 $50 - 入到舖頭拎起menu，首先入眼既就係呢個波羅冰沙，望落去價錢不菲，筆者本身諗都唔諗就skip左呢個選擇，但望到格黎台之後就即刻叫左。50蚊好似好貴，但份量大到可以2個人share，仲要用半個原隻波羅裝住，望落去外型好有心機整，單係賣相已經加左分，食既時候先發覺原來呢個外型係方便食客，唔會整塌舊冰，都幾細心。相機食完後，第一啖食落去感覺係清香、清新、香甜既天然波羅味香，但冇一啖係冇味既冰。清淡健康，係食呢個冰沙既第一個層次。第二個層次係食到剩1/3時，將冰沙同波羅底既波羅汁撈埋一齊，帶出一種濃香既波羅味，濃、濕、刺激番凍到冰哂既舌頭。食到最後，當然係食埋d波羅肉佢啦。如果你中意食甜品，黎小甜谷order波羅冰沙會係夏日炎炎既最佳選擇。宇治抹茶雪糕-$45 - 叫完波羅冰沙後，由於筆者意猶未盡，見到店內每張台都至少有一個人叫抹茶雪糕，於是都抱住羊群既心理點左一份。講起宇治抹茶，周街都有，而且唔少食店以其之名收貴d，筆者最憎人欺騙其感情，仲要侮辱緊宇治哥哥定姐姐。。。自從中過幾次伏之後就好少再食賣得貴又自稱宇治既甜品。。。。。。相機食先是基本吧。欣賞左兩眼，發覺佢既綠色
波羅冰沙 $50 - 入到舖頭拎起menu，首先入眼既就係呢個波羅冰沙，望落去價錢不菲，筆者本身諗都唔諗就skip左呢個選擇，但望到格黎台之後就即刻叫左。50蚊好似好貴，但份量大到可以2個人share，仲要用半個原隻波羅裝住，望落去外型好有心機整，單係賣相已經加左分，食既時候先發覺原來呢個外型係方便食客，唔會整塌舊冰，都幾細心。
相機食完後，第一啖食落去感覺係清香、清新、香甜既天然波羅味香，但冇一啖係冇味既冰。清淡健康，係食呢個冰沙既第一個層次。
第二個層次係食到剩1/3時，將冰沙同波羅底既波羅汁撈埋一齊，帶出一種濃香既波羅味，濃、濕、刺激番凍到冰哂既舌頭。
食到最後，當然係食埋d波羅肉佢啦。
如果你中意食甜品，黎小甜谷order波羅冰沙會係夏日炎炎既最佳選擇。
宇治抹茶雪糕-$45 - 叫完波羅冰沙後，由於筆者意猶未盡，見到店內每張台都至少有一個人叫抹茶雪糕，於是都抱住羊群既心理點左一份。講起宇治抹茶，周街都有，而且唔少食店以其之名收貴d，筆者最憎人欺騙其感情，仲要侮辱緊宇治哥哥定姐姐。。。自從中過幾次伏之後就好少再食賣得貴又自稱宇治既甜品。。。。。。
相機食先是基本吧。欣賞左兩眼，發覺佢既綠色比較濃，心諗應該唔會太hea，匙巾落去再上黎既時候，果然有驚喜--雪糕係“結“既，而且好似芝士甘要扯高d先會斷，姐係冇偷工減料，加分！
食落去第一下，感覺抹茶粉落夠，濃抹茶味，不過濃得黎又苦，苦中帶澀，當筆者開始失望既時候，食左一啖抹茶雪糕加紅豆後，紅豆既甜味剛好蓋過苦澀味，而苦味又淡化左紅豆既甜味，令人食落去感覺唔會太甜，苦得黎又冇左種澀味，兩者互相融和、平衡剛剛好，係筆者食過之中最好食既宇治抹茶。
食到最底，係一塊甜既格仔餅，係反轉既梯形，筆者認為其用處有二，其一，另下面既紙杯顯得冇用，變相唔環保；其二，將雪糕托高，另食客食前睇落好多，食完感覺被騙（餅底去到紙杯既一半既高度）。。。。。。
雖然其上碟技巧有待改善，不過，呢間既宇治抹茶雪糕的確係落足料，雪糕同紅豆既份量亦成比例，所以係值得一試！最後好貪心甘講句：筆者認為雪糕同紅豆既份量可以再落多d既。。。。。。
筆者未探訪過日本，未品嚐過正宗既宇治抹茶，所以無法作出更深入既比較，故此，以上愚見，請多多包涵。
張貼
