更多
2015-10-12
2161 瀏覽
都有年幾無黎幫襯喇，上次大埔飛的出黎買外賣再飛的返大埔，為的只係生昌頂級鹽焗黃油烏頭！朋友仔要嫁去日本喇，最後的晚餐。鹽焗烏頭，極品招牌菜，從來未食過一間好食過生昌架 ﹗有埋標籤寫到明係元朗楊氏烏頭，都試過買所謂元朗烏頭，但完全係兩回事囉，一滴黃油都無。食過咁多間潮州冷，唯一一間烏頭黃油爆到不得了﹗侍應阿姐一剪開魚皮，已聞到魚肉飄香，魚肉鮮嫩多汁，眼見得到的濕潤，肉汁澎湃，魚味濃郁，而且完全唔需要任何調味，點佢本身既黃油已經超級鮮甜﹗依條烏頭既黃油算少架喇，不過依然金光閃閃，真係好味到不得了。試試麵豉醬，調得十分香甜喎，跟其他打冷店完全唔同，不過咸不會嗆。生昌鹽焗烏頭一定要食，唔食必定遺憾！凍膏蟹一隻，凍紅蟹就食得多，膏蟹都係第一次，仲有花蟹、麵包蟹僕應添喎。膏蟹肉好有彈性，點醋食非常開胃，不停啜不停啜，正啊。蟹肉非常鮮甜彈牙，好味。但我要再大隻呀，巨蟹就更爽啦，但今晚無呢。辣汁田螺，雖然我對田螺麻麻，但個汁非常香濃，微辣但係勁惹味，令我好有一食再食既衝動 ﹗最衰本地田螺尾部唔食得啦，每次要專登咬走淨係食粒螺頭較麻煩，但係個味道真係好正，而且螺肉好入味，煮得軟棉帶嚥韌感覺。咸菜胡椒豬肚
都有年幾無黎幫襯喇，上次大埔飛的出黎買外賣再飛的返大埔，為的只係生昌頂級鹽焗黃油烏頭！朋友仔要嫁去日本喇，最後的晚餐。
鹽焗烏頭，極品招牌菜，從來未食過一間好食過生昌架 ﹗有埋標籤寫到明係元朗楊氏烏頭，都試過買所謂元朗烏頭，但完全係兩回事囉，一滴黃油都無。食過咁多間潮州冷，唯一一間烏頭黃油爆到不得了﹗
侍應阿姐一剪開魚皮，已聞到魚肉飄香，魚肉鮮嫩多汁，眼見得到的濕潤，肉汁澎湃，魚味濃郁，而且完全唔需要任何調味，點佢本身既黃油已經超級鮮甜﹗依條烏頭既黃油算少架喇，不過依然金光閃閃，真係好味到不得了。試試麵豉醬，調得十分香甜喎，跟其他打冷店完全唔同，不過咸不會嗆。生昌鹽焗烏頭一定要食，唔食必定遺憾！
凍膏蟹一隻，凍紅蟹就食得多，膏蟹都係第一次，仲有花蟹、麵包蟹僕應添喎。膏蟹肉好有彈性，點醋食非常開胃，不停啜不停啜，正啊。蟹肉非常鮮甜彈牙，好味。但我要再大隻呀，巨蟹就更爽啦，但今晚無呢。
辣汁田螺，雖然我對田螺麻麻，但個汁非常香濃，微辣但係勁惹味，令我好有一食再食既衝動 ﹗最衰本地田螺尾部唔食得啦，每次要專登咬走淨係食粒螺頭較麻煩，但係個味道真係好正，而且螺肉好入味，煮得軟棉帶嚥韌感覺。
咸菜胡椒豬肚湯，點解有蔥有芫茜有芹菜架？我非常鍾意飲湯，連胡椒豬肚湯都唔放過。胡椒味欠棒喎，真係微得緊要，好淡既味道。咸味較濃較突出，趁熱飲都幾好味，但凍左就更咸得緊要，胡椒味要夠勁先好飲架麻。而且料比較少，得幾舊豬肚，咸菜就好多喇，豬肚不過不失啦。
蒜蓉粉絲蒸聖子皇，今次係粉絲墊底喎，唔係放上蟶子面。蒸得耐左少少，過火有點乾韌，味道還算鮮既，一般。
紅燒乳鴿，即係炸乳鴿。一放上枱就聞到非常香噴噴喇﹗咬落皮脆肉嫩，啖啖肉呢﹗外皮十分香脆乾爽，裡面肉嫩又多汁，炸得剛剛好。味道香濃味美，好過大圍強記百倍呀。朋友仔不斷要求阿姐攞椒鹽同喼汁黎，居然咁大間舖係無喼汁架喎﹗椒鹽仲要食完先到呢，嘥氣。
豉油皇肥鵝腸，食極都唔飽，估唔到美女騷兒細細粒，但食量跟得上我喎。最後決定叫肥鵝腸試下，作一個完美既結束啦。經阿姐介紹，豉油皇最好食又最多人食既。熱騰騰送到，急不及待即時放落口。鑊氣十足熱騰騰，好香好香豉油味呀，食落香濃惹味，濃而不咸不搶。鵝腸爽口到不得了，加上大量味菜同吃，非常好食，味道異常豐富﹗試過整條連肥膏食，口感超吸引呀﹗爽中帶啫喱狀既幼滑，但我怕太肥，最後我地一齊都去左肥膏先食，但味道同口感真係一流呀，推介。
鹽焗元朗烏頭、凍膏蟹一隻、辣汁田螺、菜胡椒豬肚湯、蒜蓉粉絲蒸聖子皇、紅燒乳鴿、豉油皇肥鵝腸，兩個人七個餸，我仲食得落架，好想繼續食，美味！與騷兒最後的晚餐，終於可以離開依個鬼地方嫁到日本，祝您幸福快樂喇！
張貼
