鴻福海鮮四季火鍋 (已結業) 查看

平時用GAS爐打邊爐打得多，見呢間用可以用炭爐打邊爐同燒烤，真係好特別！間野位置比較難找，係D小巷內，環境不要期望好乾淨，但好有風味！只係嫌通風系統唔夠，我咳左幾次，隻眼又標左幾滴眼水咁囉！講返D食物，海鮮非常新鮮又大隻，最好食係個鮑魚，加上用炭爐燒，超好食！唔蘸汁料都夠哂味！蠔都好大隻，一樣好好味，D螺唔係唔好食，只係好難挑D肉出黎，佢地D海鮮一分錢一分貨，唔平的！所以如果想要啖啖肉，唔好揀螺食！打邊爐我地叫左兩個湯底，一個係藥材湯底，一個係冬瓜清湯底，我覺得湯底味道唔算突出，配料都唔算特別！總括而言，炭爐燒烤可以一試，打邊爐就未必揀呢度喇！