都會自助餐廳 (已結業)

香港地已經絕少地方有生蠔食。第一成本太高、第二衛生問題、第三要企個人喺度專開蠔。但交通方便的Eaton Hotel Buffet 就可以食到蠔，而且仲唔係每人每次排隊限攞2隻、而係任攞!攞曬又再添! 當日我去係71公眾假期，但沒太多人取蠔，所以我攞左滿滿3碟!蠔沒有太多海洋的鮮味、亦不屬太甜，但好彩大而不腥，落兩滴lemon汁更可以提提神。除左蠔，青口都係任取，但不及蠔新鮮，有少少太乾身。三文魚刺身幾令我意外！次次都俾一大碟，仲多過超市賣一盒幾中蚊果種。品質不過不失，唔係好食到香濃魚的油脂，但顏色好鮮，魚身亦爽身唔會霉。佢地啲熱食真心唔係好好，來來去去豬柳、雞柳、鴨柳﹝唔好意思…當日唔見牛﹞。我都簡唔落手，食左舊鴨硬到死，於是成個熱盤環節放棄左。By the way佢啲麵包好好食！尤其係牛角包同菠羅包。牛角包重牛油味，菠羅包則砟脆皮，食落熱辣辣！甜品方面好花心思，有即製的爆谷機同埋綿花糖！啲爆谷睇落冇咩色，但食落好香焦糖味、份量都滿成杯，分分鐘好食過戲院整。雪糕好貴好貴的M字牌，比H牌更貴。但要快手，因為唔似會refill!值錢真的很平，雖然難book，但有生蠔食已經足夠！有機會會再去