更多
2015-01-11
3288 瀏覽
咪誤會以為麥記搞起自助餐嚟，此麥跟彼麥不同。今次跟老婆嘅朋友行山，地域更喺少行嘅港島區，而路線仲喺第一次行嘅寶雲道，再接堅尼地道行去中環，飽覽灣仔、金鐘、中環一帶景色，加上清風送爽，心情自不然開朗。如果行過嘅朋友都知，依段路好濕碎，所以行得超輕鬆，而最終目的地其實喺去香港聖約翰救護機構總部嘅「麥當勞道貳號咖啡廳」食晏。餐廳設晌七樓，其實亦喺酒店嘅大堂，因為聖約翰總部除有各項會員服務、救傷課程訓練，亦喺附設酒店住宿，就好似尖沙咀YMCA、佐敦童軍總會咁。雖然貴為酒店內嘅西餐廳，但貫徹番非牟利機構嘅作風，餐廳內無咩豪裝，而且格局都較為舊派，或者講喺舊式嘅西餐廳咁款。不過，環境卻有啲賣點，尤其晌陽光普照嘅下午，一邊落地玻璃窗對住香港植物公園，遠眺中環，感覺悠然洋溢。剛巧餐廳都加上聖誕佈置，我哋就順便當喺提前慶祝！食晏時段，依度主要都喺做半自助午餐，包任食嘅餐湯、麵包、前菜、甜品，少少熱盤及炸物小食，另加一杯餐飲，成人收$155 +10%，小童就收$98 +10%。先介紹吓有咩食物，再分享個味道，因為，食物種類及款式唔多，一眼睇晒，故此，逐樣放相都可以。餐湯、麵包、沙律、冷盤、小食，一張細長枱
餐廳設晌七樓，其實亦喺酒店嘅大堂，因為聖約翰總部除有各項會員服務、救傷課程訓練，亦喺附設酒店住宿，就好似尖沙咀YMCA、佐敦童軍總會咁。
雖然貴為酒店內嘅西餐廳，但貫徹番非牟利機構嘅作風，餐廳內無咩豪裝，而且格局都較為舊派，或者講喺舊式嘅西餐廳咁款。不過，環境卻有啲賣點，尤其晌陽光普照嘅下午，一邊落地玻璃窗對住香港植物公園，遠眺中環，感覺悠然洋溢。剛巧餐廳都加上聖誕佈置，我哋就順便當喺提前慶祝！
食晏時段，依度主要都喺做半自助午餐，包任食嘅餐湯、麵包、前菜、甜品，少少熱盤及炸物小食，另加一杯餐飲，成人收$155 +10%，小童就收$98 +10%。先介紹吓有咩食物，再分享個味道，因為，食物種類及款式唔多，一眼睇晒，故此，逐樣放相都可以。
餐湯、麵包、沙律、冷盤、小食，一張細長枱就擺晒。沙律除有凱旋沙律，仲有幾款預製好嘅沙律：吞拿魚紅腰豆沙律、雜果沙律、泰式沙律，以及一盆沙律菜、多款配料、兩款醬汁；冷盤有兩款凍切肉腸及三文魚魚生，而小食喺啲炸洋蔥圈、春卷之類。
頭盤一雖然喺半自助餐，但都當個套餐嚟食，由自己砌碟頭盤出嚟開開胃先。沙律菜淋啲油醋，加多幾樣製好嘅沙律，糝啲煙肉碎及芝士粉，放片莎樂美及雞肉辣腸。雖然沙律吧個陣容唔喺好鼎盛，但簡單作為一道頭盤，都夠殺架喇。其實啲沙律唔錯，沙律菜夠新鮮爽脆，個凱旋沙律撈得幾好味，莎樂美腸唔會太鹹，不過啲吞拿魚紅腰豆沙律就麻麻哋。
沙律
76 瀏覽
2 讚好
0 留言
平時食得肉多，所以，再嚟都喺想再食多碟沙律，但今次就配三文魚，嘩！啲三文魚「厚」切到不得了，差唔多成吋厚，油脂唔喺好強，但仍算肥美嫩滑。
沙律
62 瀏覽
0 讚好
0 留言
餐湯其實有分中湯、西湯，前者放晌另一邊熱盤度，喺霸王花煲豬腱，老婆飲過話唔錯；而小弟就揀後者香草魚茸忌廉湯，配個小麥包，忌廉湯打得比較稀咗少少，還好喺湯味幾香幾鮮，又帶有少少魚茸碎。
餐湯．麵包
63 瀏覽
1 讚好
0 留言
晌主菜嚟之前，再搵啲小食攝一攝，樣樣一件，又加啲沙律菜擺靚少少先。因為啲小食一早炸好晒放晌度，又無啲暖燈照住，雖然啲咖喱角、春卷都仲脆口，不過，唔喺熱辣辣就無咁好食，而炸洋蔥圈就直頭腍晒。
小食
70 瀏覽
1 讚好
0 留言
珍寶熱狗配薯條因為喺朋友所點，唔知味道如何，見佢個做法都好簡單，生菜、蕃茄、雞肉腸、芥辣，感覺好港式快餐店樣，不過，就夠晒大隻，條腸概略至少8吋長。
忌廉汁蜆肉意粉小弟就揀意粉，鍾意佢唔太大碟，可以一陣繼續食其他嘢。意粉好有咬口，而且，掛滿香滑嘅忌廉汁，而蜆肉都幾鮮味，只喺作為主菜，賣相略為普通咗。
忌廉汁蜆肉意粉
86 瀏覽
1 讚好
0 留言
老婆點嘅豆腐，實為一道中式小炒，所以，跟一碗白飯，為免頂肚，白飯即時退回免浪費。個小炒唔錯，肯定頗健康，少油少鹽，頗清淡，豆腐又幾滑，茨汁又啱啱好。
冬菇竹笙炆豆腐
104 瀏覽
3 讚好
0 留言
主菜過後，胃納仍有唔少空間，所以，一堆熱葷都有力樣樣試少少，可是話就少少，都砌咗成碟出嚟。全部熱盤嘢晌晒度，包括：中式點心、秘製豬腳薑、炒時菜、炸雞鎚及菠蘿咕嚕肉，整體嚟講，稱唔上咩特色嘢，感覺依幾樣嘢都喺吸引外國人食，但味道平穩，以豬腳薑及炸雞鎚最好食。
熱盤
67 瀏覽
1 讚好
0 留言
甜品前後兩轉試勻所有甜品，第一轉嘅美國芝士餅幾濃香芝士味，下面消化餅底又做得薄，件迷你香橙慕絲蛋糕確喺幾酸香，不過，最好食喺件濃香朱古力蛋糕，因為以朱古力海綿襯朱古力慕絲，再加朱古力漿，超濃郁朱古力味，最具水準，其他嘅不過不失。
甜品
56 瀏覽
1 讚好
0 留言
甜品
65 瀏覽
3 讚好
0 留言
食甜品少不了一杯咖啡，半自助午餐包一杯餐飲，都喺例牌啡、茶、檸水之類，如想要杯鮮奶咖啡或意式泡沫咖啡，就抱歉未有供應。
生果雖然大家都食飽晒，都繼續閒話家常，此時，最好趁收嘢前夾定啲生果慢慢食，反正，店員都唔會趕你走住，就算唔再食嘢，欣賞吓窗外景色都好吖。
整體而言，食物款色少喺個事實，而味道只屬平穩，唔突出，但亦唔太差，仲要走到嚟半山，吸引力未必好大。要是晌附近行山，賞風景，對食物又唔喺抱太大要求，星期六、日花百零蚊嚟食個晏，散散心都喺可以。
張貼
