更多
2016-02-11
1943 瀏覽
環境：廿幾年前已經成日嚟飲茶，格局其實同果陣差唔多，當然而家靚咗好多，座位亦都多咗好多，冇變嘅就係依然好光猛，好吖唔會食食吓瞓着！最怕啲黑me蚊嘅地方，真係會瞓着㗎！睇吓賀年菜牌先，竟然冇發財好市？唔信！請阿部長先生過嚟問吓先，佢都話點會冇真係失望。問個部長果陣仲話點會冇發財好市呀一定有！點知佢睇完個menu之後都話，真係冇喎........... 唉猴王賀海龍($298)：即係猴頭菇牛肝菌西蘭花炒龍躉球，陰功囉猴年第一日就食猴頭菇，不過冇辦法我最愛猴頭菇牛肝菌西蘭花，媽咪最愛龍躉，要嗌嘅！呢度嘅嘢食呢，功架絕對有嘅，不過千祈唔好expect個樣會好靚，有啲似屋企炒出嚟咁嘅樣，不過唔緊要，只要你好味，就算你唔靚我都接受。 猴頭菇牛肝菌西蘭花數量都算幾多，大概有6塊用油泡過嘅龍躉片， 皮香肉滑，惹味非常生菜包蠔豉鬆($168)：有兩碟，一碟係馬蹄、西芹、蠔豉粒，另一碟貼係生菜。西芹有一種得佢先有嘅味道，而偏偏呢種味道令人又愛又恨。如果就咁咁食西芹，當然呢種味道就會好吸引；但而家當撈埋其他配料嘅時候，呢隻味道就會妹仔大過主人婆，完全食唔到蠔豉嘅味道了。可惜可惜，而且話晒今日係新年，碟餸整體
睇吓賀年菜牌先，竟然冇發財好市？唔信！請阿部長先生過嚟問吓先，佢都話點會冇真係失望。問個部長果陣仲話點會冇發財好市呀一定有！點知佢睇完個menu之後都話，真係冇喎........... 唉
猴王賀海龍($298)：即係猴頭菇牛肝菌西蘭花炒龍躉球，陰功囉猴年第一日就食猴頭菇，不過冇辦法我最愛猴頭菇牛肝菌西蘭花，媽咪最愛龍躉，要嗌嘅！呢度嘅嘢食呢，功架絕對有嘅，不過千祈唔好expect個樣會好靚，有啲似屋企炒出嚟咁嘅樣，不過唔緊要，只要你好味，就算你唔靚我都接受。 猴頭菇牛肝菌西蘭花數量都算幾多，大概有6塊用油泡過嘅龍躉片， 皮香肉滑，惹味非常
生菜包蠔豉鬆($168)：有兩碟，一碟係馬蹄、西芹、蠔豉粒，另一碟貼係生菜。西芹有一種得佢先有嘅味道，而偏偏呢種味道令人又愛又恨。如果就咁咁食西芹，當然呢種味道就會好吸引；但而家當撈埋其他配料嘅時候，呢隻味道就會妹仔大過主人婆，完全食唔到蠔豉嘅味道了。可惜可惜，而且話晒今日係新年，碟餸整體嚟講只有綠色、黑色、白色，如果將西芹換上紅蘿蔔，咁就會食得出蠔豉嘅味道，而且顏色方面亦都會艷麗啲啦
石鍋鮑魚栗子炆雞($268)：估唔到份量頗大。栗子口感唔係太粉，而且個心硬咗啲，失望。佢用咗扁平嘅栗子，所以栗子香味欠奉，如果用尖頭嘅就更好啦。問媽咪對雞肉有咩意見，佢話 “吓唔使碟碟餸寫呀嘛？普通到不得了，冇嘢好寫喎！”........ 佢就覺得雞肉炆過龍變得唔滑.... 不過我就覺得好入味！而鮑魚呢係細細粒，OK鮑嚟嘅(栗子大粒過佢)，老實講鮑魚味就冇乜㗎啦，不過幾有口感嘅
荷葉飯 ($60)： 荷葉似乎乾咗啲，一搣就爛，荷香似有還無，唉..... 入面嘅豬肉用瘦肉，好在唔肥膩！大概有4條蝦乾，但冇乜蝦乾香味..... 而且飯嘅豉油味過重，蓋過天然嘅荷葉香味，可惜可惜
西米焗栗子布甸：似乎係即做，所以都等咗一陣... 金黃色嘅表面有少少燶，正正就係當年喺點心車見到嘅西米焗布甸！布甸充滿椰香，西米口感軟綿綿，配上栗子蓉令布甸更加軟滑，不過唔算甜，好味！
服務：OK
張貼
