更多
2011-06-26
1307 瀏覽
心血來潮想飲茶，最後決定喺富嘉閣同海逸軒二選其一，雖然知道兩間價錢都係中上級，而且評語都唔太好，不過因為就腳，所以一於試下，今次就揀左劣評較少嘅海逸軒！睇下佢盧山真面目！我地一行三人大約中午12:30去到，侍應帶位後，一望四周只有我地一檯客，活像闊佬般包場的感覺！未幾，約五分鐘後便有八檯客人來了！或許今日係星期六，大家瞓晏Ｄ先黎嘆茶呱！酒店果然酒店，呢度裝修骨子而雅緻，由布席、桌布、餐巾、餐牌都以棗紅色為主色，矜貴而不流於低俗！筷子和匙羹下更有個金銅色的餐具托，這東西顯然就是平時酒樓擺酒時先會見到！真係架勢堂！ 我地打開餐牌，果然如其他食評家所說的點心很少選擇、而且價錢真的很貴！普通飲茶必叫的，如：蝦餃燒賣牛肉，呢度都要$46（未計加一），講真，我真係俾佢嚇親，唔知叫咩點心食好！。。。不過，人一世物一世，如果係好味嘅，咁又抵番！先唔講食物，海逸軒Ｄ普洱真係水滾茶靚，Ｄ服務又好，侍應又有禮貌，招呼殷勤周到，嗯，似乎又幾好咁喎！我地叫左：蟹籽鮑貝燒賣、上湯瑤柱小籠包（一籠四件）、春風得意腸粉、荷葉飯、金果杏仁茶！ 蟹籽鮑貝燒賣（$46）：大大粒絕無欺場！佢上面真係俾蟹籽同鮑貝覆蓋，味道不過
我地一行三人大約中午12:30去到，侍應帶位後，一望四周只有我地一檯客，活像闊佬般包場的感覺！未幾，約五分鐘後便有八檯客人來了！或許今日係星期六，大家瞓晏Ｄ先黎嘆茶呱！
酒店果然酒店，呢度裝修骨子而雅緻，由布席、桌布、餐巾、餐牌都以棗紅色為主色，矜貴而不流於低俗！筷子和匙羹下更有個金銅色的餐具托，這東西顯然就是平時酒樓擺酒時先會見到！真係架勢堂！ 我地打開餐牌，果然如其他食評家所說的點心很少選擇、而且價錢真的很貴！普通飲茶必叫的，如：蝦餃燒賣牛肉，呢度都要$46（未計加一），講真，我真係俾佢嚇親，唔知叫咩點心食好！。。。不過，人一世物一世，如果係好味嘅，咁又抵番！先唔講食物，海逸軒Ｄ普洱真係水滾茶靚，Ｄ服務又好，侍應又有禮貌，招呼殷勤周到，嗯，似乎又幾好咁喎！
我地叫左：蟹籽鮑貝燒賣、上湯瑤柱小籠包（一籠四件）、春風得意腸粉、荷葉飯、金果杏仁茶！
蟹籽鮑貝燒賣（$46）：大大粒絕無欺場！佢上面真係俾蟹籽同鮑貝覆蓋，味道不過不失！我個人認為，點埋隨檯附上嘅豆板醬都幾好食！
上湯瑤柱小籠包（一籠四件）（$42）：每隻都晶瑩剔透，瑤柱又多！小籠包入面嘅湯溫熱飽滿，一唔小心真係俾佢燙親！
春風得意腸粉：個名真係趣緻，真係估唔到佢會係一碟點樣嘅腸粉！原來佢入面有油炸鬼加蝦膠加鮮蝦和冬菇，好似有條春卷包左喺腸粉裡面咁！出色而味美，油炸鬼又脆，夾埋Ｄ餡料一齊，食落真係幾特別！
荷葉飯（$128）：唔好睇個價錢咁貴，呢個荷葉飯真係幾得！配料多，粒粒飯唔粘膩之餘仲充滿荷葉香，連個伴碟嘅車厘茄花花都見出廚師的心思！Good！
金果杏仁茶（$38）：後加嘅甜品更是驚喜！幽雅杏香加少許綠豆茸，香滑豐厚得黎又唔太甜，吃下去每口都刺激你的味蕾！
總括來說，呢餐真係好滿足！無論點心、服務都非常好，雖然初時真係俾佢嘅標價嚇親，但係每樣食物都貨真價實，好味又足料俾客人，海逸軒真係值得一試！
張貼
