榮式燒雞扒 (已結業)

中午去北角諗住搵朋友食飯, 點知被放飛機, 結果自己去佢公司附近既榮式燒雞扒食飯!12點入到去仲未太滿人, 所以都仲有位。坐低後, 睇左好耐餐牌都唔見有雞扒蓮藕餅飯, 之後問侍應先知叫做人藕天成。招牌飯果然唔同d! 上一次食已經係成年前屯門到食lu~~ 個飯一黎到, 望一望, 依然份量十足, 食完一淡, 味道無變, 仲係咁好食~ 雞扒唔會乾身, 不過雞皮會有d肥, 未必個個會食, 不過我就唔怕肥, 所以成舊連皮食到乾乾淨淨~蓮藕餅都夠哂味道, 皮唔會太厚, 而且都有2舊, 充滿誠意!以佢既質素同份量, 價錢亦十分合理! 始終係北角區食飯既價錢都會偏高, 所以想食性價比高既午餐, 呢間都好抵食!不過走果陣大約1點鬆d, 可能係食飯時間, 都已經坐爆哂! 所以想食就要早d去霸位啦!