新鳳凰麵包店 (已結業)

此麵包店外表平平無奇，原來大有來頭。其火腿蛋包十分出名，蘇絲黃都有介紹。可惜筆者嚟嘅時候已經入黑，火腿蛋包賣晒。唯有買一塊合桃蛋糕及紙包蛋糕。合桃蛋糕入口即感受到香濃嘅合桃味，不過始終唔係新鮮出爐，蛋糕身已變得硬及乾，影響口感。紙包蛋糕雖然擺咗一段時間，但係蛋香依然，蛋糕本身亦十分鬆軟。不錯！合桃蛋糕及紙包蛋糕都係三蚊一件，經濟抵食。