更多
2014-05-16
15222 瀏覽
近期係北角附近返工, 先開始聽聞德成號大名, 本身同屋企人都鍾意食蛋卷,2月尾行過佢地舖時好奇入去問下可唔可以訂? 佢話你3月3黎訂啦, 我仲補多個電話打去問下係咪3月3可以打黎訂, 佢話可以, 你10點後打黎啦,不過個電話都好難打架喇, 我問咁可以黎舖頭訂? 佢話可以...到3月3, 我真係諗住打電話試下, 唔得先走去舖頭訂, 我打左兩個幾鐘係一D都唔通,佢得兩條線...感覺仲難打過訂演唱會飛,我都係親身走去攪啦, 去到...見到條龍...嘩...唔係掛? 買蛋卷咋喎...我就試下排啦, 因為lunch time其實都好趕時間...飯都未食...排排到一半已經大半個鐘...我諗仲排唔排好呢?但排左一半又唔排埋好唔底,所以keep住排左個幾鐘終於到我...一路排時,前後既人都係度傾計, 大家都分享自己之前一早黎排或者預訂排隊既經歷, 聽話一年好似會預訂4次左右,今次訂3月3, 下次就應該端午後訂中秋拎, 到中秋訂時就新年拎咁...我同後面果個講我未食過架, 佢話...食左返唔到轉頭, 呢句說話...之前都有聽朋友講,話好食, 食左返唔到轉頭,食唔到其他牌子...入到舖頭都好有秩序, 大
到3月3, 我真係諗住打電話試下, 唔得先走去舖頭訂, 我打左兩個幾鐘係一D都唔通,佢得兩條線...感覺仲難打過訂演唱會飛,我都係親身走去攪啦, 去到...見到條龍...嘩...唔係掛? 買蛋卷咋喎...我就試下排啦, 因為lunch time其實都好趕時間...飯都未食...排排到一半已經大半個鐘...我諗仲排唔排好呢?但排左一半又唔排埋好唔底,所以keep住排左個幾鐘終於到我...
一路排時,前後既人都係度傾計, 大家都分享自己之前一早黎排或者預訂排隊既經歷, 聽話一年好似會預訂4次左右,今次訂3月3, 下次就應該端午後訂中秋拎, 到中秋訂時就新年拎咁...我同後面果個講我未食過架, 佢話...食左返唔到轉頭, 呢句說話...之前都有聽朋友講,話好食, 食左返唔到轉頭,食唔到其他牌子...
入到舖頭都好有秩序, 大約有3張台仔, 坐低慢慢講訂幾多, 要唔要送貨, 一人最多訂20磅...最遲6月定7月會有,我訂左係4月22左右有貨...到時再通知, 唔使比訂金住...都好,唔使等三個月...
一直期待的事...到4月23, 終於送貨黎, 我同朋友們合共訂左18磅, 早知訂夠20磅...haha...
返到屋企急不及待開黎食, 我買原味,係鬆化, 蛋味濃, 係好薄好薄既蛋皮卷起,都係香港人用心做既食品,食完一條會再接一條, 可能等左咁耐期望高d...試過後覺得青山道x記既好食d, 其實都唔使咁誇張要咁樣排隊法, 可能都係香港style...排隊啦!
試過就算了, 66蚊一磅其實唔便架,我唔會再咁排... 如果真係好想食...一係就朝早9點前排定隊, 但一人只限4磅, 一係就6月3 (聽聞下次係) 開始排隊預訂啦...
張貼
