更多
2013-08-20
2997 瀏覽
已經係第4次幫襯和平小飯店, 之前一路都懶寫食評. 今次都係兩個人食, 不過累積之前嘅經驗, 有好幾個小菜已經列入"永不再叫"名單, 所以都差d唔駛睇餐牌叫餸. 燒鵝例牌一定叫, 有齊脾同胸肉, 兩個人食啱啱好, 燒鵝係佢名物, 連墊枱紙都印上燒鵝的故事, 你可想而知燒鵝嘅重要程度. 每次燒鵝都唔會令我地失望, 皮脆肉嫰, 仲要香氣四溢. 另外仲有蜜豆拌碟, 我好似只喺鏞記食過有蜜豆嘅燒鵝. 蜜豆唔係貴嘢, 不過同燒鵝好鬼夾. 甜甜地有嚼勁. 其他燒味方面, 試過叉燒, 都幾好味, 不過一分錢一分貨, 唔好同西苑比囉....之前試過中伏嘅小菜"小炒皇", 今次唔再叫, 雖然佢上次好好咁換過碟比我地, 但係都係一樣.... 銀魚仔好硬, 完全冇炸脆, 好似就咁落d海味乾貨落碟餸度咁...... 仲有生炒骨都麻麻, 個粉好厚......其他小菜, 如: 涼瓜炒牛肉, 豉汁豆腐斑腩煲, 可以接受, 不過唔推介.佢另一主打係燉湯, 每晚都有是日燉湯, 仲會附上岩鹽一小包比你, 我食過杏汁白肺燉湯, 個人覺得麻麻, 飲湯都係番屋企飲媽咪靚湯好啦!!
燒鵝例牌一定叫, 有齊脾同胸肉, 兩個人食啱啱好, 燒鵝係佢名物, 連墊枱紙都印上燒鵝的故事, 你可想而知燒鵝嘅重要程度. 每次燒鵝都唔會令我地失望, 皮脆肉嫰, 仲要香氣四溢. 另外仲有蜜豆拌碟, 我好似只喺鏞記食過有蜜豆嘅燒鵝. 蜜豆唔係貴嘢, 不過同燒鵝好鬼夾. 甜甜地有嚼勁. 其他燒味方面, 試過叉燒, 都幾好味, 不過一分錢一分貨, 唔好同西苑比囉....
之前試過中伏嘅小菜"小炒皇", 今次唔再叫, 雖然佢上次好好咁換過碟比我地, 但係都係一樣.... 銀魚仔好硬, 完全冇炸脆, 好似就咁落d海味乾貨落碟餸度咁...... 仲有生炒骨都麻麻, 個粉好厚......
其他小菜, 如: 涼瓜炒牛肉, 豉汁豆腐斑腩煲, 可以接受, 不過唔推介.
佢另一主打係燉湯, 每晚都有是日燉湯, 仲會附上岩鹽一小包比你, 我食過杏汁白肺燉湯, 個人覺得麻麻, 飲湯都係番屋企飲媽咪靚湯好啦!!
張貼