更多
2016-03-17
2661 瀏覽
放工返到大埔下午兩點正到步，人山人海呀 ﹗好采剛好發現有個單丁位，一個人食野既好處咪係易搵位囉。廚房阿姐們內內外外都剛柔並重、不慌不忙、慢條斯理、中氣十充，您急佢唔急，等上十五、廿十分鐘都值回票價既。雖然等得耐，不過高質好味道就算啦 ﹗廚房阿姐慢工出細貨，繁忙時間等上半個鐘唔出奇，如果唔想等得太耐，最好十二點半前到場，而且佢地最遲下午三點左右就賣晒收檔喇 ﹗豉油湯底真係熱辣辣又清甜，忍唔住要飲多幾口先起動食麵。原來差不多一年無黎幫襯，多數去弟哥新蔡度食，質數滿意，出貨又夠快。魚蛋鴛鴦加底加皮走蔥，熱辣辣送到，香噴噴即時唾涎欲滴，抺都黎唔切。棉滑河粉溫柔地抱著嚥韌熟麵齊齊沐浴於濃濃甜湯之中，掛著湯汁直衝肚裡去，超美味 ﹗一棉一彈，雙重享受 ﹗湯汁混入大量辣椒油份外刺激甜美，越食越起勁 ﹗熱騰騰既濃郁豉油湯底加上嚥韌靚麵、棉滑河粉，拍案叫絕。雖然貪心，但份外好味道 ﹗河粉同熟麵均煮得剛好，應滑則滑、應嚥韌則嚥韌。從來無機會投訴既粉麵，煮得滑既滑、彈既彈，掛上大量香甜湯汁及香辣辣油，邊有得輸呀 ﹗魚蛋重魚味，美味非常 ﹗一粒又一粒、一束又一束不停輸送，轉眼整碗已消滅掉。湯底清甜略有冬菜香味，
廚房阿姐們內內外外都剛柔並重、不慌不忙、慢條斯理、中氣十充，您急佢唔急，等上十五、廿十分鐘都值回票價既。雖然等得耐，不過高質好味道就算啦 ﹗廚房阿姐慢工出細貨，繁忙時間等上半個鐘唔出奇，如果唔想等得太耐，最好十二點半前到場，而且佢地最遲下午三點左右就賣晒收檔喇 ﹗
豉油湯底真係熱辣辣又清甜，忍唔住要飲多幾口先起動食麵。原來差不多一年無黎幫襯，多數去弟哥新蔡度食，質數滿意，出貨又夠快。
魚蛋鴛鴦加底加皮走蔥，熱辣辣送到，香噴噴即時唾涎欲滴，抺都黎唔切。棉滑河粉溫柔地抱著嚥韌熟麵齊齊沐浴於濃濃甜湯之中，掛著湯汁直衝肚裡去，超美味 ﹗一棉一彈，雙重享受 ﹗湯汁混入大量辣椒油份外刺激甜美，越食越起勁 ﹗熱騰騰既濃郁豉油湯底加上嚥韌靚麵、棉滑河粉，拍案叫絕。雖然貪心，但份外好味道 ﹗
河粉同熟麵均煮得剛好，應滑則滑、應嚥韌則嚥韌。從來無機會投訴既粉麵，煮得滑既滑、彈既彈，掛上大量香甜湯汁及香辣辣油，邊有得輸呀 ﹗魚蛋重魚味，美味非常 ﹗一粒又一粒、一束又一束不停輸送，轉眼整碗已消滅掉。湯底清甜略有冬菜香味，好開胃。熱騰騰湯底甜美可口，河粉滑溜、麵又嚥韌，摟作一團跳入口，兩種唔同質感打得火熱，正到痺。每啖都掛上我致愛既激辣辣椒渣，好好味。
魚蛋鴛鴦加底加腸加皮，我擔心唔夠飽，本想另叫一碟炸魚皮，但侍應叔叔怕我食唔晒，所以建議我加餸好過叫一碟，咁就聽佢意見啦，但食晒都唔夠飽囉，佢似乎低估左我食量喇 ﹗等左廿幾分鐘，熱燙燙既魚蛋鴛鴦終於都到步，粉腸超水準呀 ﹗又滑又彈牙，肥美到不得了，沒半點苦澀味，最重要係絨毛體保存得非常好，香甜又軟棉棉，真係好正呀 ﹗非常香甜肥美脹卜卜，腸皮滑嘟嘟巧彈彈的，裡面軟軟棉棉粉粉，腸味濃而不澀，唔怪得上過數次電視飲食節目啦，讚。
炸魚皮，食過無數次都合格既，但今次真係有點炸過火。深啡色非常脆卜卜，仲帶少少燶味添呢。我一向唔太喜歡乾哽，浸湯好味好多，又無咁咸啊。炸魚皮浸湯後依然非常脆口帶濃郁魚味，自家風格炸魚皮真係大埔獨有，連皮連肉一齊炸，浸湯半脆半腍半濕潤最鍾意，正啊 ﹗
白雪雪魚蛋魚味濃而結實，魚片散發淡淡咸香且滑溜，大愛 ﹗每次主打必定係魚蛋，鐵膽無甩拖，自家秘製魚味濃郁，鮮而不濁，彈牙結實 ﹗魚蛋魚片既魚味既香且濃，滑滑彈彈 ﹗質感實淨又彈牙，魚味香濃，太好味喇 ﹗
牛腩河多蔥，炆得非常入味喎，難得口感軟棉鬆化又 juicy，good ﹗河粉夠晒滑而硬淨，最衰唔夠棉，要夠棉先可以吸得更多湯汁麻，更加好味麻。淨蛋片，魚味濃郁、質感富彈性，正正正 ﹗本想買斤返屋企打邊爐用，但同辣椒油一樣不設零售呢 ﹗
淨蛋片，招牌魚蛋梗係必食啦，好多食客都有 order 喎，都係一碗粉麵加一淨餸呢，抵食過加餸？濃厚豉油味湯底浸住咸香魚蛋魚片，一撈掉入口，不能遮掩既魚鮮味，魚蛋結結實實好健康、魚片爽爽彈彈夠生猛 ﹗
自家激辣辣椒油，我的最愛 ﹗又無晒辣椒渣，有無搞錯呀 ﹗依家辣椒好貴咩？辣椒渣唔見晒，好唔開心囉，主動問阿姐要辣椒渣，居然答我話無，係得油架乍！上次黎又係咁，哼 ﹗辣椒油點及得辣椒渣香濃呀，而且淨係油好易肚痛呢。到底係咪您地自己收埋晒呀？淨油唔夠香又唔夠辣呢，隊兩三羮油都不及一羮渣勁 ﹗對面條友見我不斷飊汗，大啖大啖辣椒油倒落口又唔洗飲野，好出奇咩 ﹗
魚蛋鴛鴦加底加皮走蔥
97 瀏覽
0 讚好
0 留言
牛腩河多蔥
68 瀏覽
0 讚好
0 留言
炸魚皮
65 瀏覽
1 讚好
0 留言
魚蛋鴛鴦加粉腸加底走蔥
54 瀏覽
0 讚好
0 留言
魚蛋鴛鴦加底走蔥
41 瀏覽
0 讚好
0 留言
魚蛋鴛鴦加底走蔥
33 瀏覽
0 讚好
0 留言
淨蛋片
33 瀏覽
0 讚好
0 留言
魚蛋鴛鴦加底加腸加皮走蔥
43 瀏覽
0 讚好
0 留言
魚蛋鴛鴦加底加腸加皮走蔥
44 瀏覽
0 讚好
0 留言
魚蛋鴛鴦加底加腩走蔥
48 瀏覽
0 讚好
0 留言
魚蛋鴛鴦加底加腩走蔥
46 瀏覽
0 讚好
0 留言
張貼
