韓板燒肉專門店 (已結業)

元朗又新街係出名嘅特色食街，但以傳統小食為主😊😊收到風最近開咗間韓風潮店，即管一試！竟然試出新意，韓板睇黎可以使又新街年輕化😃😃我唔熟悉韓潮，但一入門已感到年輕的韓風氣息！搶眼嘅人氣MV肯定令你精神為之一振😃😃我唔算係挑剔食家，但食物一擺放喺眼前，賣相肯定花過心思！已覺店東係有誠意經營呢盤生意😊😊爐端粟米蛋漿不甜不膩, 綿綿的口感中滲透著粟米清香。午餐肉算是伴著我成長的一款食物，烤後油份減少，香脆口感相對增强！海洋盛盆嘅帶子、生蠔鮮味十足；但燒烤時卻要注意加点牛油，燒焦了就太浪費！三味小豬豬嘅香草味最正；烤肉時間寧長莫短，筆者較喜歡烤至近乎肉乾口感😄和牛一睇就知係靚野。最有驚喜同最值得推介係牛胸油👍👍比起以前食開嘅白灼更脆及更能散發牛騷味👍👍最顯韓國人擅長包裝功力係反斗特飲，一樽韓國啤酒, 竟然化身為華麗邂逅😃😃更要我重溫中三物理科教嘅力學, 睇嚟我哋唔好再話讀嘅數、理、化冇用。